କୋଲକାତା, ବଡାବଜାର ସ୍ଥିତ ଏକ ପ୍ଲାଷ୍ଟିକ ଗୋଦାମରେ ସୋମବାର ସକାଳେ ଭୟାବହ ଅଗ୍ନିକାଣ୍ଡ ହୋଇଛି । ଗୋଦାମରେ ପ୍ଲାଷ୍ଟିକ ଓ ଅନ୍ୟ ଜ୍ୱଳନଶୀଳ ସାମଗ୍ରୀ ଥିବା କାରଣରୁ ନିଆଁ ଦ୍ରୁତଗତିରେ ବ୍ୟାପିଛି । ସୂଚନା ମିଳିବା ପରେ ଦମକଳ ବାହିନୀର 7ଟି ଗାଡି ଘଟଣାସ୍ଥଳରେ ପହଂଚିଥିଲା । ସ୍ଥିତିର ଭୟାବହତା ଦେଖି ପରେ ପୁଣି ଆଉ 8ଟି ଗାଡିକୁ ଘଟଣାସ୍ଥଳକୁ ପଠାଯାଇଥିଲା ।
ଗୋଦାମ ବଡାବଜାରର ନାଖୋଦା ମସଜିଦ ନିକଟରେ ରହିଛି । ନିଆଁ ଲାଗିବା ପରେ ନିଆଁ ଲିଭାଇବା ପାଇଁ ସ୍ଥାନୀୟ ଲୋକେ ଲାଗିପଡିଥିଲା । ସଂକୀର୍ଣ୍ଣ ରାସ୍ତା ହୋଇଥିବା କାରଣରୁ ଦମକଳବାହିନୀ ନିଆଁ ଲିଭାଇବା କାମ ଆରମ୍ଭ କରିବାରେ ବିଳମ୍ବ ହୋଇଥିଲା । ଫଳରେ ନିଆଁକୁ ଆୟତ୍ତ କରିବାରେ ବିଳମ୍ବ ହୋଇଥିଲା ।
