ପଟ୍ଟାମୁଣ୍ଡାଇ, ପଟ୍ଟାମୁଣ୍ଡାଇ କଷଣଅଂଟା ନିକଟରେ ହାଇୱା ଧକ୍କାରେ ଜଣେ ମୋଟର ସାଇକେଲ ଚାଳକଙ୍କ ମୃତ୍ୟୁ ଘଟିଛି । ମୃତକ ହେଲେ ଆଳି ବ୍ଲକ ଗୋପାଳପୁର ଗାଁ ର ଅଭିରାମ ମଳିକଙ୍କ ପୁଅ ବଂଟି ମଳିକ ।
ଆଜି ଦିନ ୧୦ ଟା ବେଳେ ଆଳି ଆଡୁ ଦ୍ରୁତ ଗତିରେ ଯାଉଥିବା ହାଇୱା ନଂ ଓଡ଼ି୦୪ଟି-୧୪୫୬ ର ଆଗ ଚକ ଫାଟି ଯିବାରୁ ଗାଡିଟି ଭାରସାମ୍ୟ ହରାଇ ମୋଟର ସାଇକେଲ ନଂ ଓଡ଼ି୨୯ଏମ-୬୫୪୮ କୁ ଧକ୍କା ଦେଇଥିଲା । ସ୍ଥାନୀୟ ଲୋକେ ଗୁରୁତର ବାଇକ୍ ଚାଳକଙ୍କୁ ଆମ୍ବୁଲାନ୍ସ ଯୋଗେ ପଟ୍ଟାମୁଣ୍ଡାଇ ମେଡିକାଲକୁ ନେଇଆସିଥିଲେ । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
