ଧର୍ମଶାଳା,ସାଧାରଣ ନିର୍ବାଚନ ନିମନ୍ତେ ବିଜୁ ଜନତା ଦଳ ପକ୍ଷରୁ ବିଧାନସଭାକ୍ଷେତ୍ର ପାଇଁ ପ୍ରାର୍ଥୀଙ୍କ ନାମ ଘୋଷଣା କରିଛି । ଏହି କ୍ରମରେ ଯାଜପୁର ଜିଲା ବରୀ ନିର୍ବାଚନ ମଣ୍ଡଳୀ ପାଇଁ ଦଳ ନୂଆ ମୁହଁ ଭାବେ ବିଶ୍ୱ ରଂଜନ ମଲ୍ଲିକଙ୍କ ଉପରେ ଭରସା କରି ବିଧାନସଭା ଆସନ ପାଇଁ ତାଙ୍କ ନାମ ଘୋଷଣା ହୋଇଥିଲା । ତେବେ ଆଜି ବିଶ୍ୱ ବରୀ ନିର୍ବାଚନ ମଣ୍ଡଳୀ ତାଙ୍କ ବାସଭବନରେ ପଂହଚିବା ପରେ ବିଜେଡିର ସମସ୍ତ ବରିଷ୍ଠ,ଯୁବ କର୍ମକର୍ତା ଓ ତାଙ୍କର ଶହଶହ ସଂଖ୍ୟକ ସମର୍ଥକଙ୍କ ସୁଅ ଛୁଟି ଥିବା ଦେଖିବାକୁ ମିଳିଥିଲା । ତେବେ ବିଶ୍ୱ ଆଜି ସକାଳେ ଗ୍ରାମ ଦେବତୀ ମା’ବୁଢୀ ଜାଗୁଳାଇଙ୍କ ଆର୍ଶବାଦ ନେବା ସହିତ ପରେ ଯାଜପୁର ବିରଜା ମନ୍ଦିରରେ ପଂହଚି ପୂଜାର୍ଚ୍ଚନା କରିଥିଲେ । ପରେ ସେ ସାଂଗଠିକ କର୍ମକମର୍ତଙ୍କ ସହ ଆଲୋଚନା କରାଯାଇ ଆଗାମୀ ନିର୍ବାଚନ ପାଇଁ ବିଭିନ୍ନ ପଦକ୍ଷେପ ନିଆଯିବା ସହିତ ବିପୁଳ ପରିମାଣ ଭୋଟ ବ୍ୟବଧାନରେ ବିଜୟୀ ହେବା ନେଇ ସେ ଆଶା ବାଦୀ ଅଛନ୍ତି ।
