କନ୍ଧମାଳ, ପଞ୍ଚମ କନ୍ଧମାଳ ଜିଲ୍ଲା ସ୍ତରୀୟ ତାଏକୋଣ୍ଡୋ ପ୍ରତିଯୋଗିତା ଚଳିତ ମାସ ଏପ୍ରିଲ ୨୧ ତାରିଖରେ ଫୁଲବାଣୀ ସ୍ଥିତ କୋରୋନେସନ ପଡିଆରେ ଥିବା ଆଥଲେଟିକ ଇଣ୍ଡୋର ହଲ ଠାରେ କନ୍ଧମାଳ ଜିଲ୍ଲା ଟାଏ କୋଣ୍ଡୋ ସଂଘ ଓ ଫୁଲବାଣୀ ମାର୍ଟିଆଲ ଆର୍ଟ୍ସ ଏକାଡେମୀ ମିଳିତ ସହଯୋଗରେ ପଞ୍ଚମ କନ୍ଧମାଳ ଜିଲ୍ଲା ସ୍ତରୀୟ ଟାଏକୋଣ୍ଡୋ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ଏହି ପ୍ରତିଯୋଗିତାରେ କନ୍ଧମାଳ ଜିଲାର ବିଭିନ୍ନ ପ୍ରାନ୍ତରୁ ପଚାଶରୁ ଉର୍ଦ୍ଧ ବାଳକ ଓ ବାଳିକା ଅଂଶଗ୍ରହଣ କରିଥିଲେ। ଏହି ପ୍ରତିଯୋଗିତା ସୁପର ସବ ଜୁନିଅର, ସବ ଜୁନିଅର, କ୍ୟାଡେଟ, ଜୁନିଅର ଓ ସିନିଅର କ୍ୟାଟେଗୋରି ରେ ପ୍ରତିଯୋଗିତା ହୋଇଥିଲା। ଏହି ପ୍ରତିଯୋଗିତାରେ ମୋଟ ୨୯ଟି ସ୍ଵର୍ଣ, ୬ଟି ରୌପ୍ୟ ଓ ୨ କାଂସ୍ୟ ପଦକ ପାଇଁ ପ୍ରତିଯୋଗୀତା ହୋଇଥିଲା।
ଜାତୀୟ ରେଫରୀ ପ୍ରିତମ ଚନ୍ଦ୍ର ପ୍ରଧାନ, ରମାକାନ୍ତ ବେହେରା, କେ. କମଲେଶ, ସୁଜ୍ଞାନୀଜିତ ପଟନାୟକ ପ୍ରତିଯୋଗିତାକୁ ବୈଷୟିକ ଅଫିସିଆଲ ଭାବେ ଦାୟିତ୍ଵ ତୁଲାଇଥିଲେ। ଓଡିଶା ତାଏକୋଣ୍ଡୋ ସଙ୍ଘର ସାଧାରଣ ସମ୍ପାଦକ ତଥା ଅନ୍ତର୍ଜାତୀୟ ମାଷ୍ଟର ମନମୋହନ ଭଞ୍ଜ ପ୍ରତିଯୋଗିତାକୁ ପରିଚାଳନା କରିଥିଲେ। ଜିଲ୍ଲା ସଂଘର ସମ୍ପାଦକ ପ୍ରଭାତ କୁମାର ସାହୁ, ସିନିଅର ବ୍ଲାକ ବେଲ୍ଟ ଅଞ୍ଜନୈୟ ମହାନ୍ତି ସହଯୋଗରେ ପ୍ରତିଯୋଗିତା ସଫଳତାର ସହ ସମ୍ପନ୍ନ ହୋଇଥିଲା।
