![](https://indokalingtimes.com/wp-content/uploads/2021/07/IKT-NEWS-1.jpg)
ଜଗଦଳପୁର, ଜଗଦଳପୁର ଜିଲ୍ଲାର କୋଡନାର ଥାନା ଅନ୍ତର୍ଗତ ଡିଲମିଲି ନିକଟରେ ଭୋଟ୍ ପରେ ଯବାନମାନଙ୍କୁ ନେଇ ଫେରୁଥିବା ଏକ ବସ୍ ଓଲଟି ପଡିଛି । ଦୁର୍ଘଟଣାରେ ପ୍ରାୟ ୧୦ ଜଣ ଯବାନ ଆହତ ହୋଇଛନ୍ତି । ତନ୍ମଧ୍ୟରୁ ତିନି ଜଣଙ୍କ ସ୍ଵାସ୍ଥ୍ୟାବସ୍ଥା ଗୁରୁତର ରହିଛି । ଗୁରୁତର ମାନଙ୍କୁ ଡିମରାପାଳ ଡାକ୍ତରଖାନାରେ ଭର୍ତି କରାଯାଇଛି । ଅନ୍ୟ ୭ ଜଣ ଯବାନ ସାମାନ୍ୟ ଆହତ ହୋଇଛନ୍ତି । ତୋକାପାଳ ହସ୍ପିଟାଲରେ ସେମାନଙ୍କ ଚିକିତ୍ସା କରାଯାଇଛି ।
ପ୍ରାପ୍ତ ସୂଚନା ଅନୁସାରେ, ଏହି ଯବାନ ମାନଙ୍କର ନିର୍ବାଚନୀ ଡ୍ୟୁଟି ଦନ୍ତେୱାଡାରେ ଲଗାଯାଇଥିଲା । ରବିବାର ଯବାନମାନେ ବସ୍ ଯୋଗେ ଜଗଦଳପୁର ଫେରୁଥିଲେ । ଏହି ସମୟରେ ଡିଲମିଲି ନିକଟରେ ବସ୍ ଆଗକୁ ଏକ ମଇଁଷି ଚାଲି ଆସିଥିଲା । ମଇଁଷିଟିକୁ ବଂଚାଇବାକୁ ଯାଇ ବସ୍ ଟି ଭାରସାମ୍ୟ ହରାଇ ରାସ୍ତା ତଳକୁ ଖସି ପଡିବା ସହ ଓଲଟି ପଡିଥିଲା । ଏହି ବସ୍ ରେ ପ୍ରାୟ ୩୦ରୁ ଉର୍ଦ୍ଧ୍ବ ଯବାନ ଯାତ୍ରା କରୁଥିବା ଜଣାପଡିଛି । ଦୁର୍ଘଟଣା ପରେ ବସ୍ ର ପଛ ପାର୍ଶ୍ବ କାଚ ଭଙ୍ଗାଯାଇ ସମସ୍ତଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି ।