ପୁରୀ, ଶ୍ରୀମନ୍ଦିରରେ ଆଜି ଅନୁଷ୍ଠିତ ହେବ ଶ୍ରୀଜୀଉଙ୍କ ଦୟଣା ଚୋରି ନୀତି । ଶ୍ରୀଜୀଉଙ୍କ ପାଇଁ ବାଙ୍ଗାଲୁରୁରୁ ଆସିଛି ଦୟଣା । କାଳିଆ ସାଆନ୍ତଙ୍କ ମସ୍ତକରେ ଲାଗିହେବ ଏହି ଦୟଣା ସାଙ୍ଗକୁ ସୁଗନ୍ଧିତ ପୁଷ୍ପ । ସେପଟେ ଜମୁଛି ସାହିଯାତ । ପୁରୀର ପ୍ରସିଦ୍ଧ ସାହିଯାତ ରାମ ନବମୀ ଠାରୁ ଆରମ୍ଭ ହୋଇଛି । କାଳୀକା ଦେବୀ ସାହିରୁ ସାହିଯାତରେ ରାମ ଲକ୍ଷ୍ମଣ ବେଶଧାରୀ ମାନେ ବାହାରି ଥିଲେ । ପରେ ବିଭିନ୍ନ ସାହିର ଆଖଡ଼ା ଭିନ୍ନ ଭିନ୍ନ ଦିନ ଅନୁଷ୍ଠିତ ହେଉଛି । ବୀର ବାଦ୍ୟର ତାଳେ ତାଳେ ଦୁଲୁକି ଉଠୁଛି ସାହି ଦାଣ୍ଡ । ନାଗା ବେଶଧାରୀ ମାନଙ୍କ ସମର କଳା ଏଥିରେ ପ୍ରଦର୍ଶିତ ହେଉଛି ।
