କୈଳାଶ ଚନ୍ଦ୍ର ପଣ୍ଡାଙ୍କ ରିପୋର୍ଟ,
ପୁରୀ,ଚଳିତ ବର୍ଷ ପବିତ୍ର ଚୈତ୍ର ମାସ ନବରାତ୍ରି ର ନବମୀ ତିଥି ରେ ପୁରୀ ବଳିଆପଣ୍ଡା ସ୍ଥିତ ହୋଟେଲ୍ ଅମ୍ପାୟାରସ ର ସମ୍ମିଳନୀ କକ୍ଷରେ ସମର୍ପଣ ଚାରିଟେବୁଲ ଟ୍ରଷ୍ଟ ଓ ଆର୍ଟ ଅଫ ଲିଭିଙ୍ଗ ର ମିଳିତ ଆନୁକୁଲ୍ୟରେ କନ୍ୟା ପୂଜନ ଉତ୍ସବ ଅନୁଷ୍ଠିତ ହୋଇଯାଇଛି। ଏହି ଅବସରରେ ପୁରୀ ର ବସ୍ତି ଅଞ୍ଚଳର ପ୍ରାୟ ୩୦ ଜଣ କୁନି କୁନି ଝିଅ ମାନଙ୍କୁ ଅନୁଷ୍ଠାନ ପକ୍ଷରୁ ନିମନ୍ତ୍ରିତ କରାଯାଇଥିଲା। କୁନି ଝିଅ ମାନେ ହୋଟେଲ୍ ପରିସରରେ ପହଞ୍ଚିବା ପରେ ହୋଟେଲ୍ କତୃପକ୍ଷ ପୁଷ୍ପ ଚନ୍ଦନ ଦେଇ ସ୍ବାଗତ କରିଥିଲେ। ଆର୍ଟ ଅଫ ଲିଭିଂ ଓ ସମର୍ପଣ ଚାରିଟେବୁଲ ଟ୍ରଷ୍ଟ ର ସଦସ୍ୟା ମାନଙ୍କ ଦ୍ଵାରା ବିଧି ମୂତାବକ୍ କୁନି ଝିଅ ମାନଙ୍କୁ ବନ୍ଦାପନା ସହ କନ୍ୟା ପୂଜନ କରାଯାଇଥିଲା ।ଏହି ଅବସରରେ ଆର୍ଟ ଅଫ ଲୀଭିଂ ର ପ୍ରଦୀପ ସାହୁ, ସଂଘମିତ୍ରା ମହାନ୍ତି,ଅରୁଣ ମହାନ୍ତି, ପ୍ରବୀର୍ ମହାନ୍ତି ପ୍ରମୁଖ କୁନି ଝିଅ ମାନଙ୍କୁ ଉପହାର ପ୍ରଦାନ କରିଥିଲେ। ହୋଟେଲ୍ ପକ୍ଷରୁ ପିଲାମାନଙ୍କୁ ସୁସ୍ୱାଦୁ ଖାଦ୍ୟ ପରିବେଷଣ କରାଯାଇଥିଲା। ସମସ୍ତ କାର୍ଯ୍ୟକ୍ରମକୁ ହୋଟେଲ୍ ର ମୁଖ୍ୟ ପରିଚାଳକ ଶ୍ରୀ ରବୀନ୍ଦ୍ର କୁମାର ଦାସ ଙ୍କ ସମେତ ସମର୍ପଣ ଚାରିଟେବୁଲ ଟ୍ରଷ୍ଟ ର ଜଗନ୍ନାଥ ସାହୁ, ଲୋକନାଥ ମହାନ୍ତି, ବ୍ରଜକିଶୋର ସାହୁ, ସତ୍ୟନାରାୟଣ ସାହୁ ଓ ସନ୍ତୋଷ ରାଉତ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ।
