ଭୁବନେଶ୍ଵର, ସାରା ରାଜ୍ୟରେ ପ୍ରବଳ ଗ୍ରୀଷ୍ମପ୍ରବାହ ଜାରି ରହିଛି । ଅସହ୍ୟ ଗରମ ସାଙ୍ଗକୁ ଗୁଳୁଗୁଳିରେ ଅସ୍ତବ୍ୟସ୍ତ ହୋଇପଡିଛି ଜନଜୀବନ । ଆଜି ଦିନ ୧୧ଟା ୩୦ ସୁଦ୍ଧା ରାଜ୍ୟର ୪ଟି ସ୍ଥାନରେ ତାପମାତ୍ରା ୪୦ ଡ଼ିଗ୍ରୀ ପାର୍ କରିଥିବା ବେଳେ ରାଜ୍ୟର ମୋଟ୍ ୧୧ଟି ସ୍ଥାନରେ ୩୪ ଡ଼ିଗ୍ରୀ ପାର୍ କରିଛି ଦିନ ତାପମାତ୍ରା । ଦିନ ୧୧ଟା ୩୦ ସୁଦ୍ଧା ଭୁବନେଶ୍ଵରରେ ତାପମାତ୍ରା ସର୍ବାଧିକ ୪୦.୬ ଡ଼ିଗ୍ରୀ ରେକର୍ଡ଼ ହୋଇଛି ।
ସେହିପରି ବାଲେଶ୍ଵରରେ ୪୦.୬ ଡ଼ିଗ୍ରୀ, ଚାନ୍ଦବାଲିରେ ୪୦ ଡ଼ିଗ୍ରୀ, ଝାରସୁଗୁଡ଼ାରେ ୪୦ ଡ଼ିଗ୍ରୀ, ସମ୍ବଲପୁରରେ ୩୯.୭ ଡ଼ିଗ୍ରୀ, କେନ୍ଦୁଝରରେ ୩୯ ଡ଼ିଗ୍ରୀ, ହୀରାକୁଦରେ ୩୮.୬ ଡ଼ିଗ୍ରୀ, ରାଉରକେଲାରେ ୩୭.୯ ଡ଼ିଗ୍ରୀ, ଗୋପାଳପୁରରେ ୩୫.୧ ଡ଼ିଗ୍ରୀ, ପୁରୀରେ ୩୪.୫ ଡ଼ିଗ୍ରୀ ଏବଂ ପାରାଦୀପରେ ୩୪.୫ ଡ଼ିଗ୍ରୀ ତାପମାତ୍ରା ରେକର୍ଡ଼ ହୋଇଛି । ଭୁବନେଶ୍ଵର ସ୍ଥିତ ଆଂଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ଜାରି ହୋଇଥିବା ଏକ ଟ୍ଵିଟ୍ ରୁ ଏହି ସୂଚନା ମିଳିଛି । ତେବେ ଆସନ୍ତା ୨୨ ତାରିଖ ପର୍ଯ୍ୟନ୍ତ ତାତିରୁ ନିସ୍ତାର ମିଳିବ ନାହିଁ ବୋଲି ଚେତାବନୀ ଜାରି କରିଛି ପାଣିପାଗ ବିଭାଗ ।
