ବିଧାନସଭା ପାଇଁ ବିଜେଡି ତାର ପଂଚମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କଲା

• ନବୀନ ପଟ୍ଟନାୟକ କଂଟାବାଂଜିରୁ ମଧ୍ୟ ଲଢିବେ ନିର୍ବାଚନ

ଭୁବନେଶ୍ୱର,  ଆଗାମୀ ବିଧାନସଭା ନିର୍ବାଚନ ପାଇଁ ବିଜୁ ଜନତା ଦଳ ତାର ପଂଚମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କରିଛି । ଏଥିରେ 9 ଜଣଙ୍କର ନାମ ଘୋଷଣା କରାଯାଇଥିବା ବେଳେ ଦୁଇଟି ଆସନରେ ପ୍ରାର୍ଥୀଙ୍କୁ ବଦଳାଯାଇଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ପ୍ରାର୍ଥୀ ତାଲିକା ଘୋଷଣା କରିଛନ୍ତି । ସେ ନିଜେ ହିଂଜିଳି ବ୍ୟତୀତ କଂଟାବାଂଜିରୁ ନିର୍ବାଚନ ଲଢିବେ ବୋଲି ଘୋଷଣା କରିଛନ୍ତି ।

ଚିତ୍ରକୋଣ୍ଡାରୁ ଲକ୍ଷ୍ମୀପ୍ରିୟା ନାୟକ, ପଦ୍ମପୁରରୁ ବର୍ଷା ସିଂ ବରିହା, କୁଚିଣ୍ଡାରୁ ରାଜେନ୍ଦ୍ର ଛତ୍ରିଆ, ଦେବଗଡ଼ରୁ ଅରୁନ୍ଧତି ଦେବୀଙ୍କୁ ପ୍ରାର୍ଥୀ ଭାବେ ଘୋଷଣା କରାଯାଇଛି । ସେହିପରି ଅନୁଗୁଳରୁ ସଂଯୁକ୍ତା ସିଂହ, ନିମାପଡ଼ା- ଦିଲୀପ ନାୟକ, ସାନଖେମୁଣ୍ଡିରୁ ସୁଲକ୍ଷଣା ଗୀତାଞ୍ଜଳି ଦେବୀ, ଜୟପୁରରୁ ଇନ୍ଦିରା ନନ୍ଦ ଦଳୀୟ ପ୍ରାର୍ଥୀ ହେବେ ।

ସେହିପରି ସମ୍ବଲପୁର ଓ ରେଢ଼ାଖୋଲରେ ପ୍ରାର୍ଥୀ ବଦଳାଯାଇଛି। ସମ୍ବଲପୁର ବଦଳରେ ରେଢ଼ାଖୋଲରୁ ପ୍ରାର୍ଥୀ ହେବେ ପ୍ରସନ୍ନ ଆଚାର୍ଯ୍ୟ । ସେହିପରି ରୋହିତ ପୂଜାରୀଙ୍କୁ ରେଢାଖୋଲ ବଦଳରେ ସମ୍ବଲପୁରରୁ ପ୍ରାର୍ଥୀ ହେବେ ।