ଭୁବନେଶ୍ୱର,ଯଶସ୍ୱୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଜୀଙ୍କ ନୀତି ଓ ଆଦର୍ଶରେ ଅନୁପ୍ରାଣିତ ହୋଇ ଗଞ୍ଜାମ ଜିଲ୍ଲା ପୋଲସରାବାସିନ୍ଦା ତଥା ସୁପ୍ରିମକୋର୍ଟ ଆଇନଜୀବୀ ଶ୍ରୀ ସୁଶାନ୍ତ କୁମାର ମଲ୍ଲିକ ବିଜେଡି ଛାଡି ନିଜ ସମର୍ଥକଙ୍କ ସହ ଆନୁଷ୍ଠାନିକଭାବେ ବିଜେପିରେ ଯୋଗ ଦେଇଛନ୍ତି । ଆଜି ରାଜ୍ୟ କାର୍ଯ୍ୟାଳୟଠାରେ ଅନୁଷ୍ଠିତ ମିଶ୍ରଣ ପର୍ବରେ ଶ୍ରୀ ମଲ୍ଲିକଙ୍କ ସମେତ ସୁଶାନ୍ତ କୁମାର ଭୂୟାଁ, ବସନ୍ତ ସ୍ୱାଇଁ, ବାଦଲ ବିଶୋୟୀ, ଟୁଲୁ ମହାନ୍ତି, ନଣ୍ଡା ମହାପାତ୍ର, ଜିତୁ ମହାପାତ୍ର, ଟୁକୁନା ବିଶୋୟୀ, ଡାକ ଗୌଡ, ଗିରିଧର ବିଶୋୟୀ, ଦୁର୍ଯ୍ୟଧନ ସ୍ୱାଇଁ, ରିଙ୍କୁ ପ୍ରଧାନ, ପବିତ୍ର ବାରିକ, ଶିବ ଭୂୟାଁ, ଶିବଶଙ୍କର ବେହେରା, ସୀତାରାମ ରାଉତ, ମଦନ ନାହାକ, ବସନ୍ତ ଭୂୟାଁ, ବାସୁଦେବ ବେହେରା, ଧନୁ ଡାକୁଆ, ନୀଳମଣି ସ୍ୱାଇଁ ପ୍ରମୁଖ ବିଜେପିରେ ଯୋଗ ଦେଇଛନ୍ତି ।
ଆଜି ରାଜ୍ୟ କାର୍ଯ୍ୟାଳୟଠାରେ ଅନୁଷ୍ଠିତ ମିଶ୍ରଣ ପର୍ବରେ ପୂର୍ବତନ ରାଜ୍ୟ ସଭାପତି ଶ୍ରୀ ସମୀର ମହାନ୍ତି, ରାଜ୍ୟ ମୁଖ୍ୟ ମୁଖପାତ୍ର ସଜ୍ଜନ ଶର୍ମା, ରାଜ୍ୟ ସମ୍ପାଦକ ସରୋଜ କର, ବରିଷ୍ଠ ନେତା ଅଶୋକ ମିଶ୍ର, ମହେଶ ମହାନ୍ତି ପ୍ରମୁଖ ନୂତନ ସଦସ୍ୟଙ୍କୁ ଉତରୀୟ ପ୍ରଦାନ କରି ସ୍ୱାଗତ ଜଣାଇଥିଲେ । ପାର୍ଟୀରେ ସାମିଲ ହୋଇଥିବା ନୂତନ ସଦସ୍ୟଙ୍କୁ ୮୯୮୦୮୦୮୦୮୦ ନମ୍ବରରେ ଡାୟାଲ କରାଇ ପୂର୍ବତନ ରାଜ୍ୟ ସଭାପତି ଶ୍ରୀ ମହାନ୍ତି ସଦସ୍ୟତା କରାଇଥିଲେ ।
