ରୁଦ୍ରପ୍ରୟାଗ/ଉଖିମଠ/ମକ୍କୁମଠ, ବୈଶାଖୀର ଶୁଭ ଅବସରରେ ପଂଚକେଦାରରେ ପ୍ରତିଷ୍ଠିତ ଦ୍ଵିତୀୟ କେଦାର ମଦମହେଶ୍ଵର ଏବଂ ତୃତୀୟ କେଦାର ତୁଂଗନାଥଙ୍କ କବାଟ ଖୋଲିବାର ତିଥି ସ୍ଥିର ହୋଇଛି। ଦ୍ବିତୀୟ କେଦାର ମଦମହେଶ୍ଵରଙ୍କ କବାଟ ୨୦ ମଇରେ ଖୋଲିବ । ସେହିପରି ତୃତୀୟ କେଦାର ତୁଂଗନାଥଙ୍କ କବାଟ ୧୦ ମଇରେ ଖୋଲିବ ବୋଲି ଜଣାପଡିଛି ।
ଏହି ଅବସରରେ ବଦ୍ରିନାଥ – କେଦାରନାଥ ମନ୍ଦିର କମିଟି ଅଧ୍ୟକ୍ଷ ଅଜେନ୍ଦ୍ର ଅଜୟ ନିଜ ବାର୍ତାରେ ଶ୍ରଦ୍ଧାଳୁ ମାନଙ୍କୁ ବୈଶାଖୀର ଶୁଭକାମନା ଜଣାଇଛନ୍ତି । ଏଥିସହ ସେ କହିଛନ୍ତି ଯେ, ମଦମହେଶ୍ଵର ଏବଂ ତୁଂଗନାଥଙ୍କ ଯାତ୍ରା ଆରମ୍ଭ ହେବା ପୂର୍ବରୁ ମନ୍ଦିର କମିଟି ପ୍ରସ୍ତୁତିରେ ଲାଗିପଡିଛି ।
