ନୂଆଦିଲ୍ଲୀ, କଂଗ୍ରେସର ପୂର୍ବତନ ରାଷ୍ଟ୍ରୀୟ ମୁଖପାତ୍ର ରୋହନ ଗୁପ୍ତା ଗୁରୁବାର ବିଜେପିରେ ସାମିଲ ହୋଇଛନ୍ତି । ଗୁପ୍ତା ବିଜେପି ମୁଖ୍ୟାଳୟରେ ପାର୍ଟିର ସଦସ୍ୟତା ଗ୍ରହଣ କରିଛନ୍ତି । ଏହି ଅବସରରେ କେନ୍ଦ୍ରମନ୍ତ୍ରୀ ହରଦୀପ ସିଂହ ପୁରୀ ଓ ପାର୍ଟି ମହାସଚିବ ବିନୋଦ ତାୱଡେ ଉପସ୍ଥିତ ଥିଲେ । ତାଙ୍କ ସହିତ ଜମ୍ମୁ କଶ୍ମୀରରୁ ଡ.ଜହାନଜିଦ ସିରୱାଲ, ପରମପାଲ କୌର, ଗୁରପ୍ରୀତ ସିଂହ ମାଲୁକା ବି ବିଜେପିରେ ସଦସ୍ୟତା ଗ୍ରହଣ କରିଛନ୍ତି ।
ଏହି ଅବସରରେ ରୋହନ ଗୁପ୍ତା କହିଛନ୍ତି ଯେ, କଂଗ୍ରେସର ଆଭିମୁଖ୍ୟ କାରଣରୁ ମାସକ ପୂର୍ବରୁ ସେ ଦଳର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇଦେଇଥିଲେ । କଂଗ୍ରେସ ଏବେ ଦିଶାବିହୀନ ହୋଇଯାଇଛି । କଂଗ୍ରେସର ବିଚାରରେ ବି ବିରୋଧାଭାଷ ପରିଲକ୍ଷିତ ହେଉଥିବା ସେ କହିଛନ୍ତି ।
