ବଲାଙ୍ଗିର , ଶ୍ରୀଶ୍ରୀ ହନୁମାନ ଜୟନ୍ତୀ ଓ ପବିତ୍ର ରାମ ନବମୀ ଉପଲକ୍ଷେ ବଲାଙ୍ଗିର ନୃସିଂହ ମନ୍ଦିର ଆଗରେ ଥିବା ଶ୍ରୀଶ୍ରୀ ସଙ୍କଟ ମୋଚନ ସିଦ୍ଧ ହନୁମାନଜି ଝଣ୍ଡା ବାଲେ ବାବା ସେବାଶ୍ରମ ସୁଦାମ କୁଟିର ଠାରେ ଗତ ୮ ଏପ୍ରିଲ ରୁ ଆରମ୍ଭ ହୋଇ ରାମ ନବମୀ ୧୭ ଏପ୍ରିଲ ୨୦୨୪ ପର୍ଯ୍ୟନ୍ତ ବାବା ରମଣ ଦାସ ଓ ନିର୍ବାଣ ସ୍ବାମୀ ଜଗନ୍ନାଥ ଦାସ ଙ୍କ ପ୍ରତ୍ୟକ୍ଷ ତତ୍ୱାବଧାନରେ ପାରାୟଣ ଅନୁଷ୍ଠିତ ହେଉଛି। ବ୍ୟାସ ଆସନ ରେ ତାଲପାଲି ପଡ଼ା ର ଲିପକ ମିଶ୍ର ବିରାଜମାନ ରହି ରାମାୟଣ ପଠନ ଓ ପାରାୟଣ କରିଥିଲେ। ପୂଜା କର୍ମରେ ଘାଟକଏନ୍ତରା ର ସନେଜ ଶତପଥୀ ଯୋଗଦେଇ ପୂଜନ ଓ ହୋମ କାର୍ଯ୍ୟ ଅନୁଷ୍ଠାନ କରିଥିଲେ। ମୁଖ୍ୟକର୍ତ୍ତା ଭାବରେ ବିଶ୍ବମ୍ବର ନାଏକ ଓ ଧର୍ମପତ୍ନୀ ତୁଲସା ନାଏକ କାର୍ଯ୍ୟ ତୁଲାଇଥିବା ବେଳେ ନବଦିନ ବ୍ୟାପୀ କାର୍ଯ୍ୟକ୍ରମ ରେ ରମେଶ ଗଡତିଆ , ଦେବରାଜ ମେହେର , ରାଜେନ୍ଦ୍ର ସାହୁ , ମୀନା ଜୈନ, ରବୀନ୍ଦ୍ର ମେହେର , ସୌଭାଗ୍ୟ ବେହେରା , ପ୍ରତାପ ଚନ୍ଦ୍ର ବାରିକ, ତରଣି ସେନ ମେହେର ଓ ଭୀଷ୍ମ ମୁନି ଓ ସେମାନଙ୍କ ଧର୍ମପତ୍ନୀ ମାନେ କର୍ତ୍ତା ଭାବରେ ଯୋଗଦେଇ ପୂଜା ଓ ଯଜ୍ଞାନୁଷ୍ଟନ କାର୍ଯ୍ୟ ତୁଲାଇଥିଲେ। ପ୍ରତ୍ୟହ ଅନେକ ସାଧୁ ସନ୍ଥ ଦ୍ୱିଜ ଓ ମାନସ ପିପାସୁ ଭକ୍ତ ଓ ଶ୍ରଦ୍ଧାଳୁ ମହିଳା ମାନେ ଯୋଗଦେଇ ରାମଜି ଙ୍କ ବୃତ୍ତାନ୍ତ ର ରସପାନ କରୁଥିବା ଦେଖା ଯାଇଛି।
