ଭୁବନେଶ୍ୱର, ଟିକେଟ ଘୋଷଣା ହୋଇ ନ ଥିବା ବିଭିନ୍ନ ବିଧାନସଭା ଆସନ ପାଇଁ ଆଶାୟୀ ଥିବା ନେତା ମାନେ ସେମାନଙ୍କ ସମର୍ଥକ ମାନଙ୍କ ସହ ପହଂଚି ଶକ୍ତି ପ୍ରଦର୍ଶନ କରୁଥିବା ଦେଖିବାକୁ ମିଳିଛି ।
ବେଗୁନିଆ ବୋଲଗଡ଼ ବିଧାୟକ ରାଜେନ୍ଦ୍ର ସାହୁ ଏବଂ ଆଶାୟୀ ପ୍ରାର୍ଥୀ ପ୍ରଦୀପ ସାହୁ ନବୀନ ନିବାସ ନିଜ ନିଜ ସମର୍ଥକ ଙ୍କୁ ନେଇ ପହଁଚିଛନ୍ତି । ବର୍ତ୍ତମାନ ସୁଦ୍ଧା ବେଗୁନିଆ ବୋଲଗଡ଼ ପାଇଁ ଟିକେଟ ଘୋଷଣା ହୋଇନଥିବା ବେଳେ ନବୀନ ନିବାସ ରେ ପହଁଚି ଟିକେଟ ପାଇଁ ଲବି କରିଛନ୍ତି । ତେବେ ଏ ସବୁ ଭିତରେ ବେଗୁନିଆ ବୋଲଗଡ଼ ରୁ ଏଥର କିଏ ବିଜେଡି ଟିକେଟ ପାଇବ ତାକୁ ନେଇ ସସପେନ୍ସ ଦେଖାଦେଇଛି । ରାଜୁ ସାହୁ ନା ପ୍ରଦୀପ ସାହୁ କିଏ ହେବ ବୋଲଗଡ଼ ବିଧାୟକ ପ୍ରାର୍ଥୀ କିଏ ହେବ ସେ ନେଇ ନିଷ୍ପତ୍ତି ବିଜେଡି ସୁପ୍ରମୋ ଙ୍କ ନିକଟରେ ଅଟକିଛି । ସେହିପରି ନୀଳଗିରି ର ଆଶାୟୀ ପ୍ରାଥି ସନ୍ତୋଷ ଖଟୁଆ ବି ପହଁଚିଛନ୍ତି ନବୀନ ନିବାସ ରେ । ସୁକାନ୍ତ ନାୟକ ବିଜେଡିରେ ମିଶିବା ପରେ ସନ୍ତୋଷ ଙ୍କ ଟିକେଟ କୁ ନେଇ ଦ୍ଵନ୍ଦ ବଢିଛି ।
