କଟକ, ଜେଜେବାପାଙ୍କ ଶୁଦ୍ଧିକ୍ରିୟାରେ ଯୋଗଦେବାକୁ ଆସିଥିବା ବେଳେ ମହାନଦୀରେ ବୁଡି ନାତିର ବୁଡି ମୃତ୍ୟୁ ଘଟିଛି । କଟକ ମହାନଦୀ ତୁଳସୀପୁର ହାତୀଗଡ଼ା ଘାଟରେ ରବିବାର ଘଟିଯାଇଛି ଏଭଳି ଏକ ଅଭାବନୀୟ ଘଟଣା । ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଂଚି ଖୋଜାଖୋଜି କରିବା ପରେ ନଦୀରୁ ନିଖୋଜ ଯୁବକଙ୍କ ମୃତଦେହ ଉଦ୍ଧାର କରିଛି । ମୃତ ଯୁବକଙ୍କ ନାମ ରୂପକ ବାନାର୍ଜୀ ଏବଂ ଘର ସିଡିଏ ସେକ୍ଟର-୬ ଅଂଚଳର ହୋଇଥିବା ନେଇ ସୂଚନା ମିଳିଛି ।
ସୂଚନା ଅନୁଯାୟୀ, ଜେଜେବାପାଙ୍କ ଶୁଦ୍ଧିକ୍ରିୟାରେ ଯୋଗଦେବାକୁ ଆସିଥିଲେ ରୂପକ ବାନାର୍ଜୀ (୨୧) । ଆଜି ଦଶତୁଠ ଶୁଦ୍ଧିକାର୍ଯ୍ୟ ପାଇଁ ସମସ୍ତେ ଆସିଥିଲେ ନଦୀ କୂଳକୁ । ସମସ୍ତେ ଶୁଦ୍ଧିକାର୍ଯ୍ୟରେ ଯୋଗଦେଇ ନଦୀରେ ସ୍ନାନ କରିଥିଲେ । ଏହି ସମୟରେ ରୂପକ ନଦୀରେ ବୁଡି ନିଖୋଜ ହୋଇଯାଇଥିଲେ । ପରେ ଅଗ୍ନିଶମ ବାହିନୀ ନଦୀରୁ ତାଙ୍କ ମୃତଦେହ ଉଦ୍ଧାର କରିଛି । ରୂପକ ଭୁବନେଶ୍ଵରର ଏକ ଘରୋଇ କଲେଜର ବି ଟେକ୍ ଛାତ୍ର ଥିଲେ ।
