ଖୋର୍ଦ୍ଧା, ଭୁବନେଶ୍ଵରରୁ ଖୋର୍ଦ୍ଧା ଅଭିମୁଖେ ଆସୁଥିବା ଏକ ସରକାରୀ ମୋ ବସ୍ ଆଜି ଅପରାହ୍ନରେ ପିତାପଲ୍ଲୀ ନିକଟରେ ଦୁର୍ଘଟଣାଗ୍ରସ୍ତ ହୋଇଛି । ରାସ୍ତାକଡ଼ ନାଳକୁ ପ୍ରାୟ ୧୦ ଫୁଟ୍ ତଳକୁ ବସ୍ ଟି ଖସିପଡିଛି । ଫଳରେ ଏଥିରେ ଥିବା ୨୦ ଜଣ ଯାତ୍ରୀ ଆହତ ହୋଇଛନ୍ତି । ସାମ୍ନାରୁ ଆସୁଥିବା ଏକ ଅଟୋକୁ ସାଇଡ୍ ଦେବାକୁ ଯାଇ ବସ୍ ଟି ରାସ୍ତା ପାର୍ଶ୍ବ ନାଳକୁ ଖସି ପଡିଥିଲା । ସମସ୍ତ ଆହତଙ୍କୁ ଖୋର୍ଦ୍ଧା ମେଡିକାଲରେ ଭର୍ତି କରାଯାଇଥିଲା । ପରେ ତନ୍ମଧ୍ୟରୁ ୧୨ ଜଣଙ୍କୁ ଅଧିକ ଚିକିତ୍ସା ନିମନ୍ତେ ଭୁବନେଶ୍ଵର ସ୍ଥାନାନ୍ତରିତ କରାଯାଇଛି ।
