ଭୁବନେଶ୍ୱର, ପୂର୍ବତନ ବିଧାୟକ ପ୍ରକାଶ ବେହେରା ଆଜି ବିଜୁ ଜନତା ଦଳରେ ସାମିଲ ହୋଇଛନ୍ତି । ସେ ଆଜି ଶଂଖ ଭବନରେ ଏକ ସ୍ୱତନ୍ତ୍ର ମିଶ୍ରଣ କାର୍ଯ୍ୟକ୍ରମରେ ବିଜେଡିରେ ସାମିଲ ହୋଇଛନ୍ତି । ତାଙ୍କ ସହ ତାଙ୍କର ସମର୍ଥକ ମାନେ ମଧ୍ୟ ବିଜେଡିରେ ସାମିଲ ହୋଇଛନ୍ତି ।
ସାଲେପୁରର ପୂର୍ବତନ ବିଧାୟକ ପ୍ରକାଶ ବେହେରା ଗତ ଦୁଇ ଦିନ ତଳେ ବିଜେପିର ପ୍ରାଥମିକ ସଦସ୍ୟତାରୁ ଇସ୍ତଫା ଦେଇଥିଲେ । ସେ କଟକ ଜିଲ୍ଲା ବିଜେପି ସଭାପତି ପଦରେ ଥିଲେ । ଏହା ପୂର୍ବରୁ ସେ 2019 ମସିହାରେ କଂଗ୍ରେସ ଛାଡି ବିଜେପିରେ ଯୋଗ ଦେଇଥିଲେ ।
