ଜଗଦଲପୁର– ବସ୍ତର ଜିଲ୍ଲାର ରତେଂଗାରେ ଆଜି ସିଆରପିଏଫ 188 ବାଟାଲିୟନଙ୍କ ଏକ କଂପାନୀ ଯବାନଙ୍କୁ ନେଇ ଯାଉଥିବା ଆମ୍ବୁଲାନ୍ସ ଓଲଟିପଡିଛି । ଦୁର୍ଘଟଣାରେ 12ଜଣ ଯବାନ ଆହତ ହୋଇଛନ୍ତି । ଆହତଙ୍କ ମଧ୍ୟରୁ 8ଜଣ ଯବାନ ଅଧିକ ଗୁରୁତର ରହିଛନ୍ତି । ଡିମରାପାଲ ମେଡିକାଲ କଲେଜରେ ସେମାନଙ୍କ ଚିକିତ୍ସା ଜାରି ରହିଛି । 4ଜଣ ଯବାନଙ୍କୁ ଚିକିତ୍ସା ପାଇଁ ଲୋହଡିଗୁଡାରେ ଭର୍ତ୍ତି କରାଯାଇଛି ।
ମିଳିଥିବା ସୂଚନା ଅନୁସାରେ ବସ୍ତର ଜିଲ୍ଲାର ରତେଂଗା ଗାଁରେ ସିଆରପିଏଫ ଯବାନଙ୍କୁ ନେଇ ଯାଉଥିବା ଆମ୍ବୁଲାନ୍ସ ଦୁର୍ଘଟଣାଗ୍ରସ୍ତ ହୋଇଛି । ସମସ୍ତ ଯବାନ ନିର୍ବାଚନୀ ଡ୍ୟୁଟିରେ କୋଡାଗାଓଁ ଯାଉଥିଲେ । ଏକ ଗାତରେ ଟାୟାର ଫସିବା କାରଣରୁ ଆମ୍ବୁଲାନ୍ସଟି ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଥିଲା ।
