ନୂଆଦିଲ୍ଲୀ, ଭାରତୀୟ ଜନତା ପାର୍ଟି (ଭାଜପା) ଅଧ୍ୟକ୍ଷ ଜେପି ନଡ୍ଡା ସିଆର କେସବନଙ୍କୁ ପାର୍ଟିର ରାଷ୍ଟ୍ରୀୟ ମୁଖପାତ୍ର ନିଯୁକ୍ତ କରିଛନ୍ତି । କେସବନ ଗତବର୍ଷ କଂଗ୍ରେସ ଛାଡି ଭାଜପାରେ ସାମିଲ୍ ହୋଇଥିଲେ । କେସବନ ଭାରତର ପ୍ରଥମ ଗଭର୍ଣ୍ଣର-ଜନରଲ ସି ରାଜଗୋପାଲାଚାରୀଙ୍କ ନାତି ।
ଭାଜପାର ରାଷ୍ଟ୍ରୀୟ ମୁଖପାତ୍ର ଭାବେ ନିଯୁକ୍ତ ହେବା ପରେ ସିଆର କେସବନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, କେନ୍ଦ୍ର ଗୃହ ମନ୍ତ୍ରୀ ଅମିତ ଶାହ, ଭାଜପାର ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ଏବଂ ଭାଜପାର ମହାସଚିବ (ସଂଗଠନ) ବିଏଲ ସନ୍ତୋଷଙ୍କ ନିକଟରେ କୃତଜ୍ଞତା ଜ୍ଞାପନ କରିଛନ୍ତି ।
ଗୁରୁବାର କେସବନ ମିଡ଼ିଆ ସହିତ କଥାବାର୍ତା ବେଳେ କହିଛନ୍ତି ଯେ, ବିଶ୍ଵର ସବୁଠୁ ବଡ ଦଳ ଭାଜପାର ରାଷ୍ଟ୍ରୀୟ ମୁଖପାତ୍ର ଦାୟୀତ୍ଵ ତାଙ୍କୁ ଦିଆଯାଇଛି ।
