ଜୟପୁର– ବିବାହର ୨୨ ବର୍ଷ ପରେ ଦ୍ବିତିୟ ପତ୍ନୀ ଗ୍ରହଣ କରିଥିବା ନେଇ ଜୟପୁର ମହିଳା ଥାନାରେ ଲିଖିତ ଅଭିଯୋଗ ହୋଇଛି । ପୋଲିସ ସୂଚନା ଅନୁଯାୟୀ, ନନ୍ଦପୁର ଥାନା ଅନ୍ତର୍ଗତ ଗଞ୍ଜେଇପଦର ଗ୍ରାମରେ ରହୁଥିବା ରାମା ଖିଲ (୪୫) ଆଜି ଜୟପୁର ମହିଳା ଥାନାରେ ଲିଖିତ ଅଭିଯୋଗ କରିଛନ୍ତି । ସେ ତାଙ୍କ ଅଭିଯୋଗ ପତ୍ରରେ ଉଲ୍ଲେଖ କରିଛନ୍ତି ଯେ, ଗତ ୨୨ ବର୍ଷ ତଳେ ଅର୍ଜୁନ ଖିଲ କୁ ବିବାହ କରିଥିଲେ । ଏମାନଙ୍କର ୬ଟି ସନ୍ତାନ ଅଛନ୍ତି । କିନ୍ତୁ, ସ୍ଵାମୀ ଦ୍ଵିତିୟ ପତ୍ନୀ ଗ୍ରହଣ କରି ଶାରିରିକ ଓ ମାନସିକ ନିଯ୍ୟାତନା ଦେଉଥିବା ନେଇ ଜୟପୁର ମହିଳା ଥାନାରେ ଅଭିଯୋଗ କରିଛନ୍ତି । ଅଭିଯୋଗକୁ ଗୁରୁତ୍ଵର ସହ ନେଇ ମହିଳା ପୋଲିସ ସ୍ଵାମୀ ନାମରେ ମାମଲା ରୁଜୁ କରିଥିବା ବିଷୟ ମହିଳା ଥାନା ଅଧିକାରି ଅନିତା କୁଜୁର ସୂଚନା ଦେଇଛନ୍ତି ।
