ନୂଆଦିଲ୍ଲୀ,ଦିଲ୍ଲୀ ଅବକାରୀ ନୀତି ଘୋଟାଲା ମାମଲାରେ ଗିରଫ ହୋଇଥିବା ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ ଉପରେ ଜର୍ମାନ ବୈଦେଶିକ ମନ୍ତ୍ରାଳୟର ମୁଖପାତ୍ରଙ୍କ ଟିପ୍ପଣୀ ଉପରେ କଡା ବିରୋଧ ପ୍ରକାଶ କରିଛି ଭାରତର ବୈଦେଶିକ ମନ୍ତ୍ରାଳୟ । ଏହାକୁ ଭାରତର ଅନ୍ତରିଣ ମାମଲାରେ ଦଖଲ କହି ନୂଆଦିଲ୍ଲୀ ସ୍ଥିତ ଜର୍ମାନ ମିଶନର ଉପପ୍ରମୁଖଙ୍କୁ ମନ୍ତ୍ରାଳୟ ପକ୍ଷରୁ ତଲବ କରାଯାଇଛି । ଏହି ସମ୍ପର୍କରେ କରାଯାଇଥିବା ପକ୍ଷପାତପୂର୍ଣ୍ଣ ଧାରଣା ଅତ୍ୟନ୍ତ ଅନୁଚିତ ଅଟେ ।
ବୈଦେଶିକ ମନ୍ତ୍ରାଳୟ ଏହି ସମ୍ପର୍କରେ ସୂଚନା ପ୍ରଦାନ କରିଛି । ମନ୍ତ୍ରାଳୟ ପକ୍ଷରୁ କୁହାଯାଇଛି ଯେ, ନୂଆଦିଲ୍ଲୀରେ ଜର୍ମାନ ମିଶନର ଉପପ୍ରମୁଖ ଜର୍ଜ ଏନ୍ଜଭିଲରଙ୍କୁ ଆଜି ଡକାଯାଇ ଆମର ଅନ୍ତରିଣ ମାମଲା ଉପରେ ତାଙ୍କ ବୈଦେଶିକ ମନ୍ତ୍ରାଳୟର ମୁଖପାତ୍ରଙ୍କ ଟିପ୍ପଣୀ ଉପରେ ଭାରତର କଡା ବିରୋଧ ଉପରେ ତାଙ୍କୁ ଅବଗତ କରାଯାଇଛି ।ଭାରତର ଏଭଳି ଟିପ୍ପଣୀକୁ ଆମର ନ୍ୟାୟିକ ପ୍ରକ୍ରିୟାରେ ହସ୍ତକ୍ଷେପ ଓ ଆମର ନଗରପାଳିକାର ସ୍ୱତନ୍ତ୍ରତାକୁ ଦୁର୍ବଳ କରିବା ଭାବେ ଦେଖିଥାଏ ବୋଲି ତାଙ୍କୁ କୁହାଯାଇଛି । ଭାରତ ଆଇନର ଶାସନ ବିଶିଷ୍ଟ ଏକ ଜୀବନ୍ତ ଓ ମଜବୁତ ଗଣତନ୍ତ୍ର ଅଟେ ।
