ଭୁବନେଶ୍ୱର, ବିହାର ସ୍ଥାପନା ଦିବସର ଶୁଭକାମନା ଜଣାଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସୋସିଆଲ ମିଡିଆ ଏକ୍ସରେ କେନ୍ଦ୍ରମନ୍ତ୍ରୀ କହିଛନ୍ତି ଯେ, ଜ୍ଞାନ, ଆଧ୍ୟାତ୍ମ, ସଂସ୍କୃତି, ସଭ୍ୟତା, ସଂସ୍କାର ଓ ସମୃଦ୍ଧ ପରମ୍ପରାର ଭୂମି ବିହାରର ସ୍ଥାପନା ଦିବସ ଅବସରରେ ସମସ୍ତ ବିହାରବାସୀଙ୍କୁ ଶୁଭକାମନା ଜଣାଉଛି । ଭଗବାନ ବୁଦ୍ଧ ଓ ମହାବୀରଙ୍କ ତପୋସ୍ଥଳୀ, ବିହାର ନିଜ ଜ୍ଞାନ, ଦର୍ଶନ ଓ ଆଧ୍ୟାତ୍ମର ପ୍ରକାଶରେ ପୂରା ବିଶ୍ୱକୁ ଆଲୋକିତ କରିଛି । ବିହାର ନିରନ୍ତର ପ୍ରଗତି ଓ ସମୃଦ୍ଧି ପଥରେ ଅଗ୍ରସର ହେଉ, ଏହାହିଁ କାମନା କରୁଛି ।
