-
ଅକ୍ଷୟ କୁମାର, ଏଆର ରହମାନ ସମେତ କେତେକ ଷ୍ଟାର ଦେଖାଇବେ ଜଲୱା
ଚେନ୍ନାଇ– ଆଇପିଏଲ ୧୭ ତମ ସିଜିନ ପାଇଁ କ୍ରିକେଟ୍ ପ୍ରେମୀ ବେଶ୍ ଉତ୍ସାହିତ ଅଛନ୍ତି । ଆଇପିଏଲ ର ଏହି ନୂଆ ସିଜିନ ଆଜି ଠାରୁ ଆରମ୍ଭ ହେବାକୁ ଯାଉଛି । ଏହାର ଉଦଘାଟନୀ ସମାରୋହ ଆଜି ସଂନ୍ଧ୍ୟାରେ ଚେନ୍ନାଇର ଏମଏ ଚିଦାମ୍ବରମ ଷ୍ଟାଡ଼ିୟମ୍ ରେ ଆୟୋଜିତ ହେବାକୁ ଯାଉଛି । ପ୍ରତିବର୍ଷ ବଲିଉଡ୍ ର ଲୋକପ୍ରିୟ କଳାକାର ମାନେ ନିଜର ନୃତ୍ୟ ଓ ସଙ୍ଗୀତ ମାଧ୍ୟମରେ ଆଇପିଏଲ ଉଦଘାଟନ ସମାରୋହର ଶୋଭା ବଢାଇଥାନ୍ତି । ଚଳିତ ବର୍ଷ ମଧ୍ୟ ଆଇପିଏଲ ୨୦୨୪ ରେ ଏହାର ଆରମ୍ଭ ଧମାକାଦାର ହେବ । ଏବଂ କେତେକ ପ୍ରସିଦ୍ଧ କଳାକାର ଉତ୍ସବରେ ଉପସ୍ଥିତ ରହିବେ ।
ମିଡ଼ିଆ ରିପୋର୍ଟସ ଅନୁସାରେ, ଚଳିତ ବର୍ଷ ଆଇପିଏଲ ସମାରୋହରେ ବଲିଉଡ୍ ର ଲୋକପ୍ରିୟ ଗାୟକ ଏଆର ରହମାନ ଏବଂ ସୋନୁ ନିଗମ ସାମିଲ୍ ହେବେ । ଏଆର ରହମାନ ଓ ସୋନୁ ନିଗମଙ୍କ ସୁମଧୁର ସଙ୍ଗୀତ ଷ୍ଟାଡ଼ିୟମ୍ ରେ ଗୁଞ୍ଜରି ଉଠିବ । ଏଥି ସହିତ ବଲିଉଡ୍ ର ସୁପରଷ୍ଟାର ଅକ୍ଷୟ କୁମାର ଓ ଟାଇଗର ଶ୍ରାଫ ନିଜର ନୃତ୍ୟ ପ୍ରଦର୍ଶନରେ ସମାରୋହର ଶୋଭା ବଢାଇବେ । ଆଇପିଏଲର ଉଦଘାଟନ ସମାରୋହ ଆଜି ସଂନ୍ଧ୍ୟା ସାଢ଼େ ୬ଟାରୁ ଆରମ୍ଭ ହେବ ।
