ଭୁବନେଶ୍ୱର– କଡ଼ା ସୁରକ୍ଷା ବ୍ୟବସ୍ଥା ମଧ୍ୟରେ ରାୟଗଡ଼ା ଅଧିଷ୍ଠାତ୍ରୀ ମା ମଝିଘରିଆଣୀ ମନ୍ଦିର ଦାନ ହୁଣ୍ଡି ଖୋଲା ଯାଇ ଗଣତି ଆରମ୍ଭ ହୋଇ ଯାଉଛି । ସ୍ଥାନୀୟ ତହସିଲଦାରଙ୍କ ତତ୍ବାବଧାନରେ ପୋଲିସର କଡା ସୁରକ୍ଷା ବଳୟ ମଧ୍ୟରେ ମନ୍ଦିର ପରିଚାଳନା କମିଟିର ଅଧ୍ୟକ୍ଷ ରାଇ ସିଂ ବିଡ଼ିକା, ସଦସ୍ୟ ଓ କର୍ମକର୍ତ୍ତା ଙ୍କ ଉପସ୍ଥିତି ରେ ଦାନ ହୁଣ୍ଡି ଖୋଲା ଜାଇ ଗଣତି ଚାଲିଛି । ୯ ଟି ହୁଣ୍ଡିର ଦାନ ଅର୍ଥ ଗଣତି କର୍ଯ୍ୟରେ ମହିଳା ସେଚ୍ଛାସେବି ସଂଗଟନର ସଦସ୍ୟ ଓ କିଛି ଛାତ୍ରଛାତ୍ରୀ ଙ୍କୁ ନିୟୋଜିତ କରାଯାଇଛି । ଏଥିରେ ପ୍ରାୟ ୧୫୦ ଜଣ କର୍ମକର୍ତ୍ତା ଗଣତି ପକ୍ରିୟାରେ ନିୟୋଜିତ ହୋଇଛନ୍ତି,। ଗତ ୩ ମାସ ତଳେ ଅର୍ଥାତ ୨୭.୦୯.୨୦୨୩ ତାରିଖରେ ଦାନ ହୁଣ୍ଡି ରୁ ୬୮ ଲକ୍ଷ ୭୪ ହଜାର ୧୪୦ ଟଙ୍କା, ୫୩ ଗ୍ରାମ ସୁନା ଓ ୧ କେଜି ୭୯୭ ଗ୍ରାମ ରୂପା ସହ ୭ ଟି ବିଦେଶୀ ମୁଦ୍ରା ମଧ୍ୟ ସଂଗ୍ରହ ହୋଇ ଥିଲା।
