ମାଲକାନଗିରି-ଗତକାଲି ଚିତ୍ରକୋଣ୍ଡା ପୋଲିସ ନିର୍ଭରଯୋଗ୍ୟ ସୂତ୍ରରୁ ସୂଚନା ପାଇ ରାତିରେ ପାଟ୍ରୋଲିଂ କରୁଥିବାବେଳେ ସଙ୍ଗାମଗୁଡା ଗାଁ ନିକଟ ଜଙ୍ଗଲ ଭିତରେ ଜଣେ ଯୁବକ ଗଞ୍ଜେଇ ବସ୍ତା ଧରି ଛିଡା ହୋଇଥିବା ଦେଖିବାକୁ ପାଇଥିଲେ। ତୁରନ୍ତ ତାକୁ ଗିରଫ କରିବା ସହ ବେଆଇନ ଭାବରେ ଗଚ୍ଛିତ ହୋଇଥିବା ନିଷେଧାଦେଶ ଗଞ୍ଜାକୁ ଜବତ କରିଥିଲେ!ପୋଲିସ ଏନଡିପିଏସ ଆକ୍ଟର ସମସ୍ତ ବାଧ୍ୟତାମୂଳକ ବ୍ୟବସ୍ଥାକୁ ଅନୁସରଣ କରି ଦୁଇ ଜଣ ସ୍ୱାଧୀନ ସାକ୍ଷୀ ଏବଂ କାର୍ଯ୍ୟନିର୍ବାହୀ ମାଜିଷ୍ଟ୍ରେଟଙ୍କ ଉପସ୍ଥିତିରେ ଅଭିଯୁକ୍ତଙ୍କ ନିକଟରୁ ୨୦ ଟି ଜରି ବସ୍ତା ରୁ ୫୦୨ କେଜି ଗଞ୍ଜେଇ, ଗୋଟିଏ ମୋବାଇଲ ଜବତ କରିଛି। ଗିରଫ ଯୁବକ ହେଲେ ଚିତ୍ରକୋଣ୍ଡା ଥାନା ପଣସଗନ୍ଧୀ ଗ୍ରାମର ରାନୁ ପାଙ୍ଗି। ଚିତ୍ରକୋଣ୍ଡା ଥାନାରେ ମାମଲା ପଞ୍ଜୀକୃତ ହୋଇଛି ଏବଂ ଅନୁସନ୍ଧାନ ଚାଲିଥିବା ଚିତ୍ରକୋଣ୍ଡା ଆଇ ଆଇ ସି ମୁକୁନ୍ଦ ମେଲକା ସୂଚନା ଦେଇଛନ୍ତି।
