କୈଳାଶ ଚନ୍ଦ୍ର ପଣ୍ଡାଙ୍କ ରିପୋର୍ଟ,
ପୁରୀ ,ସାମାଜିକ ସଂଗଠନ ‘ସୁଶ୍ରୀ’ ଏବଂ ‘ଭବ୍ୟ ନାରୀଶକ୍ତି ଫାଉଣ୍ଡେସନ୍’ ର ମିଳିତ ଆନୁକୂଲ୍ୟରେ ସପ୍ତାହବ୍ୟାପୀ ଚାଲିଥିବା ଆନ୍ତର୍ଜାତିକ ମହିଳା ଦିବସ ପାଳନର ଉଦ୍ ଯାପନୀ ମହୋତ୍ସବ ଅନ୍ନପୂର୍ଣା ରଙ୍ଗମଞ୍ଚ ଠାରେ ଅନୁଷ୍ଠିତ ହୋଇଯାଇଛି I ଏଥିରେ ରାଜ୍ୟସଭା ସାଂସଦ ଶୁଭାଶିଷ ଖୁଣ୍ଟିଆ, ବିଧାୟକ ଜୟନ୍ତ କୁମାର ଷଡଙ୍ଗୀ, ପୂର୍ବତନ ନଗରପାଳ ଗୌରହରି ପ୍ରଧାନ,ସମାଜସେବୀ ବସନ୍ତ କୁମାର ମହାନ୍ତି ଏବଂ ସାଂସ୍କୃତିକ ସଂଗଠକ ଶ୍ୟାମ ପ୍ରକାଶ ସେନାପତି ପ୍ରମୁଖ ଅତିଥି ଭାବେ ଯୋଗଦେଇ ବକ୍ତବ୍ୟ ପ୍ରଦାନ କରିଥିଲେ I ସୁଶ୍ରୀ ଅନୁଷ୍ଠାନ ର ସମ୍ପାଦିକା ଅରୁଣିମା ନନ୍ଦ ସ୍ଵାଗତ ଭାଷଣ ପ୍ରଦାନ କରିଥିଲେ I ଏହି ଅବସରରେ ପୂର୍ବତନ ପୌର ସଦସ୍ୟା ଅଞ୍ଜୁ ପ୍ରଧାନ ଏବଂ ନାରୀଶକ୍ତି ସଭାନେତ୍ରୀ ରେଣୁ ବିଶ୍ୱାଳ ସମ୍ମାନିତ କରାଯାଇଥିଲା I ପୂର୍ବରୁ ଅନୁଷ୍ଠିତ ନୃତ୍ୟ, କୁଇଜ୍, music chair, କବିତାପାଠ ଆଦି ବିଭିନ୍ନ ପ୍ରତିଯୋଗିତାର କୃତୀ ପ୍ରତିଯୋଗୀଙ୍କୁ ପୁରସ୍କୃତ କରାଯାଇଥିଲା I କଳ୍ପନା ମୁଦୁଲି ଧନ୍ୟବାଦ ଅର୍ପଣ କରିଥିଲେ I ଲଲାଟେନ୍ଦୁ ମିଶ୍ର ମଞ୍ଚ ସଞ୍ଚାଳନ କରିଥିଲେ I କାର୍ଯ୍ୟକ୍ରମ ପରିଚାଳନାରେ ରଚିତା ରାଉତରାୟ ,ବିଚିତ୍ରା ମିଶ୍ର, କାଞ୍ଚନ ଶୁକ୍ଳା ,ପଦ୍ମିନୀ ବେହେରା ପ୍ରମୁଖ ସହଯୋଗ କରିଥିଲେ I ମା’ ଦକ୍ଷିଣକାଳୀ ଏବଂ ବେଲବାଇ ସ୍ଵୟଂ ସହାୟକ ଗୋଷ୍ଠୀ ର କାର୍ଯ୍ୟ କର୍ତ୍ତା ମାନେ ସହଯୋଗ କରିଥିଲେ I ଏଥିରେ ଅନେକ ସ୍ଵେଚ୍ଛାସେବୀ ସଂଗଠନର ମହିଳା ଓ ବୁଦ୍ଧିଜୀବୀ ଯୋଗ ଦେଇଥିଲେ I
