କୈଳାଶ ଚନ୍ଦ୍ର ପଣ୍ଡାଙ୍କ ରିପୋର୍ଟ,
ପୁରୀ,ଶ୍ରୀକ୍ଷେତ୍ରର ମହତ୍ତ୍ୱ ବିଶ୍ୱ ସ୍ତରରେ ସ୍ୱତନ୍ତ୍ର |ଏହି ଶ୍ରୀକ୍ଷେତ୍ରରେ ବର୍ଷ ତମାମ କୋଟି କୋଟି ଶ୍ରଦ୍ଧାଳୁ ମହାପ୍ରଭୁ ଶ୍ରୀଜଗନ୍ନାଥଙ୍କ ଦର୍ଶନ କରି ସାନିଧ୍ୟ ପ୍ରାପ୍ତି ସହିତ ସହର ସ୍ଥିତ ଅନ୍ୟାନ୍ୟ ଦେବଦେବୀ ଯଥା ପ୍ରଭୁ ଶ୍ରୀଲୋକନାଥ, ଓଁ କାରେଶ୍ୱର, ମାତା ମଠ, ବିଭିନ୍ନ ମଠ ମନ୍ଦିର ଭ୍ରମଣ କରିଥାନ୍ତି |ଶ୍ରୀକ୍ଷେତ୍ରର ବିଭିନ୍ନ ଉର୍ନ୍ନତି ମୂଳକ କାର୍ଯ୍ୟ ମଧ୍ୟ ଜିଲ୍ଲା ପ୍ରଶାସନ ତରଫରୁ କରାଯାଉଛି |ସେଥିମଧ୍ୟରୁ ଶ୍ରୀକ୍ଷେତ୍ରକୁ ଭିକାରି ମୁକ୍ତ ପାଇଁ ଜିଲ୍ଲା ପ୍ରଶାସନ ତରଫରୁ ପ୍ରୟାସ କରାଯାଇଛି |ହେଲେ ପ୍ରଶାସନ ର ଏହି ପ୍ରୟାସ ଫେଲ ମାରିଥିବା ଦେଖିବାକୁ ମିଳିଛି |ଶ୍ରୀକ୍ଷେତ୍ର ର ପ୍ରତିଷ୍ଠ ଶୈବ ମନ୍ଦିର ପ୍ରଭୁ ଶ୍ରୀଲୋକନାଥଙ୍କ ମନ୍ଦିର ନିକଟରେ ଅନେକ ସଂଖ୍ୟାରେ ଅସହାୟ ବୃଦ୍ଧ ବୃଦ୍ଧା ଭିକ ମାଗୁଥିବା ଦେଖିବାକୁ ମିଳିଛି |
