🌹ମୋ ଗାଁ ଝଲକ🌹

** ଦୋଳ **

ଶ୍ରୀ ଯୋଗିନ୍ଦ୍ର ମହାନ୍ତି

‘ ଦୋଳ’ ଟା ଆସିବ
ବୋଲି ଭାବୁ ଭାବୁ
ଗାଁ ରେ ତା ପାଦ ପଡିଲାଣି ।
ବରଷକ ପରେ
ଯାତରା ଆସିବ
ମନରେ ଉତ୍ସାହ
ଭରିଲାଣି ।

ରାଣୀ ଓସ୍ତ ଗଛୁ
କୋଇଲି ର କୁହୁ
ଧିରେ ଧିରେ ପରା
ଶୁଭିଲାଣି ।
ହାଡ଼ି ସାହି ପଟୁ
ମଳୟ ପବନ
ହାଉଲେ ହାଉଲେ
ବହିଲାଣି ।

ଦୋଳ ପରବ ର
ଉଷୁମ ପରଶ
ଆସ୍ତେ ଆସ୍ତେ ଜମି
ଆସିଲାଣି ।
ବିବାହିତା ଝିଏ
ଆସିବା ପାଇଁ କି
ଏବେ ଠାରୁ ମନ
ଉଡ଼ିଲାଣି ।

ବାହାର ରେ ଥିବା
ପିଲାମାନେ ସବୁ
ଗାଁ କଥା ପୁରା
ଭାବିଲେଣି ।
ଦୋଳ କୁ ଆସିବା
ପାଇଁ କି ସମସ୍ତେ
ଟ୍ରେନ୍ ଟିକେଟ
କାଟିଲେଣି l

ଶୃଙ୍ଖଳା ରେ ଯାତ୍ରା
କିପରି ହୋଇବ
କମିଟି ମେମ୍ବରେ
ଭାବିଲେଣି ।
ବରଷକ ପରେ
ଯାତରା ଆସିବ
ମନରେ ଉତ୍ସାହ
ଭରିଲାଣି ।
****
ମୋ ଗାଁ ଗ୍ରୁପ୍
ବରପୁଟ ବାଙ୍କୀ ।