ଚମ୍ପୁଆ, କେନ୍ଦୁଝର ଜିଲା ଚମ୍ପୁଆ ଥାନା ଅନ୍ତର୍ଗତ ନାରଦ ପୁର ନିକଟରେ ଜଣେ ଯୁବକ ଶୌଚ ହେବାକୁ ଯାଇ ମୃତ୍ୟୁ ବରଣ କରିଥିବା ଜଣା ପଡିଛି। ଖବର ଅନୁଯାୟୀ, ଚମ୍ପୁଆ ଥାନା ଅନ୍ତର୍ଗତ ମକୁନ୍ଦ ପୁର ଗ୍ରାମର ଅଶୋକ ନାଏକ ନାମକ ଜଣେ ଯୁବକ ଗତକାଲି ସନ୍ଧ୍ୟା ସମୟରେ ନାରଦ ପୁରରୁ ଘରକୁ ଫେରୁଥିବା ବେଳେ ରାସ୍ତା କଡ ଗଡିଆରେ ମୃତ୍ୟୁ ବରଣ କରିଥିଲେ। ସକାଳେ ସ୍ଥାନୀୟ ଲୋକ ଗଡିଆରେ ଏକ ଶବ ଭାସୁ ଥିବାର ଦେଖି ପୋଲିସକୁ ଖବର ଦେଇଥିଲେ। ଖବର ପାଇ ଚମ୍ପୁଆ ପୋଲିସ ଘଟଣାସ୍ଥଳରେ ପହଞ୍ଚି ଅଗ୍ନିଶମ ବାହିନୀ ସହାୟତାରେ ଶବକୁ ଉଦ୍ଧାର କରି ବ୍ୟବଛେଦ ପାଇଁ ଚମ୍ପୁଆ ଉପଖଣ୍ଡ ଚିକିତ୍ସାଳୟକୁ ପଠାଇବା ସହିତ ତଦନ୍ତ ଆରମ୍ଭ କରିଥିଲେ। ତେବେ ଶୌଚ ହେବାକୁ ଯାଇ ଗୋଡ଼ ଖସି ଯିବାରୁ ପାଣିରେ ବୁଡି ଅଶୋକଙ୍କ ମୃତ୍ୟୁ ହୋଇଥାଇପାରେ ବୋଲି ପ୍ରାଥମିକ ତଦନ୍ତରୁ ଅନୁମାନ କରାଯାଉଛି।
