ରାଉରକେଲା, ରାଉରକେଲା ସହରର ଝିରିପାଣି ପରିବା ବଜାରକୁ ପରିବା ବିକିବାକୁ ଆସିଥିବା ଜଣେ ବେପାରିଙ୍କୁ ଦିନ ଦ୍ଵିପ୍ରହରରେ ଗାଡି ସହ ଉଠାଇ ନେଇ ଦର୍ବୁତ ମାନେ ହତ୍ୟା କରି ଫୋପାଡି ଦେଇ ଗାଡିକୁ ଧରି ଫେରାର ହୋଇଜିବା ଘଟଣା ଏବେ ସହରରେ ଚର୍ଚ୍ଚାର ବିଷୟ ହୋଇଛି। ଘଟଣାକୁ ନେଇ ପୁଲିସ ଏଯାଏ କାହାକୁ ଗିରଫ କରିପାରିନଥିବା ବେଳେ ଗାଡି ମଧ୍ୟ ଉଦ୍ଧାର ହୋଇପାରିନାହିଁ ।
ଗତ ଗୁରୁବାର ଦିନର କଥା, ତେତେରକେଲାର ଜାମବେରନା ଅଁଚଳର ମଙ୍ଗଳ ଓରାମ ନାମକ ବ୍ୟକ୍ତି ସବୁଦିନ ଭଳି ଝିରିପାଣି ହାଟକୁ ପରିବା ଧରି ନିଜ ବୋଲେରୋ ଗାଡିରେ ଆସିଥିଲେ। ପରିବା ବିକି ଫେରିବା ବିଳମ୍ବ ହେବାରୁ ଘରଲୋକେ ତାଙ୍କୁ ଫୋନ କରିଥିଲେ, କିନ୍ତୁ ଫୋନ ଲାଗି ନଥିଲା। ପରେ ସେମାନେ ସେମାନଙ୍କ ବନ୍ଧୁ ବାନ୍ଧବ ଘରକୁ ଯାଇ ଖୋଜା ଖୋଜି କରି ବିଫଳ ହେବାରୁ ଗତ ଶୁକ୍ରବାର ଦିନ ଝିରିପାଣି ଥାନାରେ ଲିଖିତ ଅଭିଯୋଗ କରିଥିଲେ। ଘଟଣାକୁ ଆଠଦିନ ବିତି ସାରିଛି। ପୁଲିସ ତାର କୌଶଳ ଲଗାଇ ଖୋଜି ଖୋଜି ବିଫଳ ହେବା ପରେ ଘଟଣାସ୍ଥଳ ଠାରୁ କିଛି ଦୂରରେ ୫ରୁ ୬ ଦିନ ପରେ ମଙ୍ଗଳଙ୍କର ଶବ ମିଳିଥିଲା। ପରିବାର ଲୋକେ ୫ରୁ ୬ ଦିନ ପରେ ମୃତ୍ୟୁ ବିଷୟରେ ଜାଣି ଶବ ଥାନାରୁ ନେବା ସହ ଗାଡି ଓ ଘଟଣାରେ ନ୍ୟାୟ ଲାଗି ଗତକାଲି ଥାନା ଘେରାଉ କରିଥିଲେ। ତେବେ ଏଯାଏ ପୁଲିସ କୌଣସି ଠୋସ ଖବର ଏନେଇ ପାଇନଥିବା ବେଳେ ଘଟଣାର ତଦନ୍ତ ଜାରୀ ରଖିଛି । ସବୁଠୁ ବଡ କଥା ହେଲା ଜଣେ ବେପାରୀଙ୍କୁ ରାଉରକେଲାର ଏକ ବଜାରରୁ ତାର ଗାଡି ସହ ଉଠାଇ ନିଆଯାଉଛି ଓ ପରେ ତାକୁ ହତ୍ୟା କରି ତାର ଗାଡିକୁ ଲୁଟ କରାଯାଉଛି, ଯାହା ସାଧାରଣରେ ଚର୍ଚ୍ଚାର ବିଷୟ ହୋଇଛି ।
