-
ଯବାନ – ମାଓବାଦୀ ଗୁଳି ବିନିମୟ
କନ୍ଧମାଳ, ସର୍ଚ୍ଚ ଅପରେସନ ବେଳେ ଗତକାଲି କୋଟଗଡ଼-ବେଲଘର ଥାନା ଦୁର୍ଗାପାଙ୍ଗା ଜଙ୍ଗଲରେ ଏକ ମାଓ କ୍ୟାମ୍ପ ଠାବ କରାଯିବା ସହ ତାହାକୁ ଧ୍ଵଂସ କରାଯାଇଛି । ଏହି ସମୟରେ ସେଠାରେ ଏସଓଜି ଯବାନ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ଘଟିଥିଲା । ଗୁଳି ବିନିମୟ ଯୋଗୁଁ ସେଠାରୁ ଛତ୍ରଭଙ୍ଗ ଦେଇଥିଲେ ମାଓବାଦୀ । ଏହି ମାଓ କ୍ୟାମ୍ପ ବଂଶଧାରା ଘୁମୁସର ନାଗାବଳୀ ଡିଭିଜନ୍ ର ବୋଲି ଜଣାପଡିଛି । ଘଟଣାସ୍ଥଳରୁ ୭ଟି ଉନ୍ନତମାନର ଗ୍ରେନେଡ୍, ୩ଟି ଜିଲୋଟିନ୍ ଷ୍ଟିକ୍, ସୋଲାର ପ୍ୟାନେଲ ଜବତ ହୋଇଛି । ଆଜି ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ଏନେଇ ସୂଚନା ଦେଇଛନ୍ତି କନ୍ଧମାଳ ଏସପି ଶୁଭେନ୍ଦୁ ପାତ୍ର ।
