ଭୁବନେଶ୍ୱର /ଆଠମଲ୍ଲିକ, ଆଠମଲ୍ଲିକ ମାଧପୁରଠାରେ 12 ଘଣ୍ଟିଆ ବନ୍ଦ ପାଳନ କରାଯାଉଛି । ଆଠମଲ୍ଲିକ ବ୍ଲକ ମାଧପୁର ଠାରେ ଓଡିଶା କୃଷକ ମହାସଂଘ ଆଠମଲ୍ଲିକ ଶାଖା ଏବଂ ବରିଷ୍ଠ ନାଗରିକ ସଙ୍ଘର ଆହ୍ୱାନ କ୍ରମେ ମାଧପୁରଠାରେ 12 ଘଣ୍ଟିଆ ବନ୍ଦ ଡାକରା ଦିଆଯାଇଛି I
ମାଧପୁର ସିଏଚସି ଡାକ୍ତରଖାନାରେ ନିଯୁକ୍ତି ପାଇଥିବା ପ୍ରସୂତି ବିଭାଗର ବରିଷ୍ଠ ଡାକ୍ତର ଜିତେନ୍ଦ୍ର ପ୍ରସାଦ ହୋତାଙ୍କ ତୁରନ୍ତ ଯୋଗଦାନ ଦାବୀ ଓ ବର୍ତମାନ ଚାଲୁଥିବା ମାଧପୁର ସିଏଚସି ଡାକ୍ତରଖାନା ପରିସରରେ ଓଡିଶା ସରକାରଙ୍କ ତରଫରୁ ମଞ୍ଜୁର ହୋଇଥିବା 16 କୋଟି ଟଙ୍କା ଅନୁଦାନର ନୂତନ କୋଠା ଉକ୍ତ ଜାଗାରେ ହିଁ ନିର୍ମାଣ କରାଯିବାକୁ ଦାବୀ କରି ସମସ୍ତ ଦୋକାନ ବଜାର ଗାଡି ବନ୍ଦ କରିଛନ୍ତି I ସକାଳ 6 ଟା ରୁ ସନ୍ଧ୍ୟା 6 ଟା ପର୍ଯ୍ୟନ୍ତ ଏହି ବନ୍ଦ ଜାରି ରହିବ I
