କଟକ, ରୋଟାରୀ କ୍ଲବ୍ ଅଫ୍ କଟକ ମିଲେନିୟମ ଓ ହିରୋ ସାଇକେଲ କମ୍ପାନୀର ମିଳିତ ଆନୁକୂଲ୍ଯରେ ଏକ ପରିବେଶ ସଚେତନତା ସାଇକେଲ ରାଲି ଅନୁଷ୍ଠିତ ହୋଇଯାଇଛି l ଏହି କାର୍ଯ୍ଯକ୍ରମ କଟକ ନୂଆବଜାରସ୍ଥିତ ଗୋପାଳ କ୍ରୁଷ୍ଣ ଗୋଶାଳରୁ ଆରମ୍ଭ ହୋଇ ଗଣ୍ଡରପୁରସ୍ଥିତ ହିରୋ ସାଇକେଲ କମ୍ପାନୀର ସ୍ପିଡ୍ ହ୍ୱିଲ୍ସ୍ ସୋ ରୁମଠାରେ ଶେଷ ହୋଇଥିଲା l ଏହି କାର୍ଯ୍ଯକ୍ରମକୁ ରୋଟାରୀ ମିଲେନିୟମର ସଭାପତି ପ୍ରଦୀପ ମହାନ୍ତି ଉଦଘାଟନ କରି କହିଥିଲେ ଯେ , ବର୍ତ୍ତମାନ ସମଗ୍ର ବିଶ୍ୱ ତାପମାନ ବ୍ରୁଦ୍ଧି ଏବଂ ପାଗ ଅସନ୍ତୁଳନ କାରଣରୁ ଘୋର ସଙ୍କଟର ସମ୍ମୁଖୀନ ହୋଇଛି l ସମଗ୍ର ବିଶ୍ୱରୁ ଜୀବାଶ୍ମ ଇନ୍ଧନ ସରି ସରି ଆସୁଛି l ଏହି ପରିପ୍ରେକ୍ଷୀରେ ସାଇକେଲର ବ୍ଯାପକ ବ୍ଯବହାର ହେଲେ ସବୁଜ ଗ୍ରୁହ ପ୍ରଭାବକୁ କମ୍ କରାଯିବା ସହିତ ମାନବ ସମାଜ ମଧ୍ଯ ସୁସ୍ଥ ରହି ପାରିବ l ତେଣୁ କଟକର ପରିବେଶକୁ ସବୁଜ ସୁନ୍ଦର ରଖିବାକୁ ହେଲେ ଅନାବଶ୍ଯକ ଗାଡି ମୋଟର ବ୍ଯବହାର ନ କରି ସମସ୍ତେ ସାଇକେଲ ଚଲାଇବା ଉଚିତ ବୋଲି ଉପସ୍ଥିତ ଜନ ସାଧାରଣଙ୍କୁ ଆହ୍ୱାନ ଜଣାଇଥିଲେ l
ଏହି କାର୍ଯ୍ଯକ୍ରମରେ କ୍ଲବର ସମ୍ପାଦକ ସୁଧୀର ରଥ, ପୂର୍ବତନ ସଭାପତି ଚନ୍ଦ୍ରପ୍ରଭା ମହାନ୍ତି, ୨୦୨୪-୨୫ବର୍ଷ ପାଇଁ ନିର୍ବାଚିତ ସଭାପତି ଦୀପକ କୁମାର ମହାନ୍ତ, ହିରୋ ସାଇକେଲ କମ୍ପାନୀର ସ୍ଥାନୀୟ ବିତରକ ମହାବୀର ପ୍ରସାଦ ଜାଜୋଡିଆ ଓ ଓଡିଶା ରାଜ୍ଯ ମାର୍କେଟିଂ ପ୍ରମୁଖ ତ୍ରିଲୋଚନ ସିିଂହ ଏବଂ ଅନେକ ପରିବେଶ ପ୍ରେମୀ ଯୋଗ ଦେଇଥିଲେ ll
