ଆଦିଲାବାଦ/ନୂଆଦିଲ୍ଲୀ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋମବାର ତେଲେଙ୍ଗାନାର ଆଦିଲାବାଦରେ 56,000 କୋଟି ଟଙ୍କାରୁ ଅଧିକର ବିଜୁଳି, ରେଳ ଓ ସଡକ କ୍ଷେତ୍ର ସହିତ ସମ୍ବନ୍ଧିତ ଅନେକ ବିକାଶାତ୍ମକ ପ୍ରକଳ୍ପର ଉଦଘାଟନ, ଲୋକାର୍ପଣ ଓ ଶିଳାନ୍ୟାସ କରିଛନ୍ତି ।
ଏହି ଅବସରରେ ଉପସ୍ଥିତ ଜନସମୂହକୁ ସମ୍ବୋଧିତ କରି ପ୍ରଧାନମନ୍ତ୍ରୀ କହିଛନ୍ତି ଯେ, ଆଦିଲାବାଦର ଭୂମି କେବଳ ତେଲେଙ୍ଗାନା ନୁହେଁ ପୂରା ଦେଶ ସହିତ ସମ୍ବନ୍ଧିତ ବିକାଶମୂଳକ ପ୍ରକଳ୍ପର ସାକ୍ଷୀ ପାଲଟିଛି, କାହିଁକିନା 56,000 କୋଟି ଟଙ୍କାରୁ ଅଧିକ 30ରୁ ଅଧିକ ବିକାଶମୂଳକ ପ୍ରକଳ୍ପ ତଥା ରାଷ୍ଟ୍ରକୁ ସମର୍ପିତ କରାଯାଉଛି । ଏହି ପ୍ରକଳ୍ପରେ ରାଜ୍ୟରେ ଶକ୍ତି, ପରିବେଶ ସ୍ଥିରତା ଓ ସଡକ କନେକ୍ଟିଭିଟି ସହିତ ସମ୍ପର୍କିତ ଅନେକ ପ୍ରକଳ୍ପ ସାମିଲ ଅଛି ।
