ମୁମ୍ବାଇ, ଥାନା ଜିଲ୍ଲାର ବଦଲାପୁର ରେଳ ଷ୍ଟେସନ ନିକଟ ସାଇଡିଂରେ ଛିଡା ହୋଇଥିବା ଏକ ଏକ୍ସପ୍ରେସ ଟ୍ରେନ୍ ର ୩ ବଗିରେ ହଠାତ୍ ନିଆଁ ଲାଗିଯାଇଥିଲା । ଖବର ପାଇ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଂଚି ନିଆଁକୁ ଆୟତ କରିଥିଲେ । ରେଲୱେ ମରାମତି ଟିମ୍ ଘଟଣାସ୍ଥଳରେ ପହଂଚିଥିଲେ । ତେବେ ଘଟଣାରେ କେହି ମୃତାହତ ହୋଇନାହାଁନ୍ତି ।
ମଧ୍ୟ ରେଲୱେ ର ମୁଖପାତ୍ରଙ୍କ ସୂଚନା ଅନୁସାରେ, ଏହି ଏକ୍ସପ୍ରେସ ଟ୍ରେନ୍ କୁ ବଦଲାପୁର ରେଳ ଷ୍ଟେସନ ନିକଟ ସାଇଡିଂରେ ପାର୍କିଂ କରାଯାଇଥିଲା । ଶୁକ୍ରବାର ରାତି ପ୍ରାୟ ୧ଟା ସମୟରେ ହଠାତ୍ ଏହି ଏକ୍ସପ୍ରେସ ଟ୍ରେନ୍ ର ଗୋଟିଏ ବଗିରେ ନିଆଁ ଲାଗି ଯାଇଥିଲା । ଚାହୁଁ ଚାହୁଁ ନିଆଁ ୩ଟି ବଗିକୁ ବ୍ୟାପି ଯାଇଥିଲା । ରେଲୱେ ପ୍ରଶାସନ ପକ୍ଷରୁ ଏନେଇ ଦମକଳ ବାହିନୀକୁ ଖବର ଦିଆଯାଇଥିଲା । ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଂଚି ନିଆଁକୁ ଆୟତ କରିଥିଲେ । ଘଟଣାରେ କେହି ମୃତାହତ ହୋଇନାହାଁନ୍ତି । ନିଆଁ କିପରି ଲାଗିଲା ସେନେଇ ତଦନ୍ତ କରୁଛି ରେଲୱେ ପୋଲିସ ଟିମ୍ ।
