କଟକ- ଦାଦାବଟି ଆଦାୟ କରିବା ଅଭିଯୋଗରେ ଗ୍ୟାଙ୍ଗଷ୍ଟର୍ ମହମ୍ମଦ ସକିଲ୍ ର ଅନ୍ୟତମ ଗାର୍ଲଫ୍ରେଣ୍ଡ କୁ ଆଜି ଦରଘାବଜାର ଥାନା ପୋଲିସ ଗିରଫ କରିଛି । ବକ୍ସିବଜାରର ଜଣେ ବ୍ୟବସାୟୀଙ୍କୁ ୧୦ ଲକ୍ଷ ଟଙ୍କା ବଟି ମାଗିବା ଘଟଣାରେ ସମ୍ପୃକ୍ତି ଅଭିଯୋଗରେ ପୋଲିସ ତାକୁ ଗିରଫ କରିଛି । କୌଣସି ଏକ ଅଜ୍ଞାତ ସ୍ଥାନରେ ରଖି ପୋଲିସ ତାକୁ ପଚରାଉଚୁରା ଚଳାଇଛି । ତେବେ ତଦନ୍ତରେ ବାଧା ଉପୁଜିବା ଆଶଙ୍କା କରି ଗିରଫ ଗାର୍ଲଫ୍ରେଣ୍ଡଙ୍କ ପରିଚୟକୁ ପୋଲିସ ଅଦ୍ୟାବଧି ଗୋପନ ରଖିଛି ।
ପ୍ରକାଶ ଥାଉ କି, ପୂର୍ବରୁ ସକିଲ୍ ର ଅନ୍ୟ ଜଣେ ଗାର୍ଲଫ୍ରେଣ୍ଡ ନସରିନ୍ ଖାନ୍ ଓରଫ ଡ଼େଜିକୁ ଦରଘାବଜାର ପୋଲିସ ଗିରଫ କରିଥିଲା । ସକିଲ୍ ସମ୍ପ୍ରତି ଚୌଦ୍ୱାର ଜେଲ୍ ରେ ଥିବା ବେଳେ ନସରିନ୍ ତାର ସମସ୍ତ ଅପରାଧିକ ନେଟୱାର୍କକୁ ପରିଚାଳନା କରି ଆସୁଥିବା ନେଇ ପୋଲିସ ପୂର୍ବରୁ ସୂଚନା ଦେଇଥିଲା । ଦୁଇ ଦିନ ପୂର୍ବେ ପୋଲିସ ଜଣକୁ ଗିରଫ କରିଥିବା ବେଳେ ଏବେ ଆଉ ଜଣେ ଗାର୍ଲଫ୍ରେଣ୍ଡକୁ ଗିରଫ କରିବା ଘଟଣାରୁ ସକିଲ୍ ତା’ର ଏହି ଅପରାଧିକ ନେଟୱାର୍କ ପରିଚାଳନାରେ ନିଜର ଗାଲଫ୍ରେଣ୍ଡ ମାନଙ୍କୁ ବ୍ୟବହାର କରି ଆସୁଥିବା ସ୍ପଷ୍ଟ ହୋଇଛି । ଅନ୍ୟପକ୍ଷରେ ପୋଲିସ ଏନେଇ ଅଧିକ ଛାନଭିନ୍ ଜାରୀ ରଖିଛି ।
