ମୁମ୍ବାଇ– ବଲିଉଡ୍ ଅଭିନେତା ଜନ୍ ଅବ୍ରାହମ ମୁମ୍ବାଇରେ ଏକ ବିଳାସପୂର୍ଣ୍ଣ ବଙ୍ଗଳା କିଣିଛନ୍ତି । ଜନ୍ ଙ୍କ ଏହି ନୂଆ ଘର ଖାର ର ଲିଙ୍କିଙ୍ଗ ରୋଡ ଅଂଚଳରେ ରହିଛି । ଜନ୍ ଙ୍କ ବଙ୍ଗଳାର ନାମ ନିର୍ମଳ ଭବନ ରହିଛି । ଏହି ବଙ୍ଗଳା ୭୭୨୨ ବର୍ଗଫୁଟ ରେ ନିର୍ମାଣ ହୋଇଛି । ସେ ଏହି ବଙ୍ଗଳା ପ୍ରବୀଣ ନାଥଲାଲ ଶାହଙ୍କ ଠାରୁ କିଣିଛନ୍ତି । ସମୁଦ୍ର କୂଳ ନିକଟରେ ନିର୍ମିତ ଏହି ବଙ୍ଗଳା କିଣିବା ପାଇଁ ଜନ୍ ୪.୨୪ କୋଟି ଟଙ୍କା ଷ୍ଟାମ୍ପ ଡ୍ୟୁଟି ଦେଇଛନ୍ତି । ଏହି ସମ୍ପତିର ରେଜିଷ୍ଟ୍ରି ଡିସେମ୍ବର ୨୭ ତାରିଖରେ ହୋଇଥିଲା । ଏହି ବଙ୍ଗଳାର ମୂଲ୍ୟ ପ୍ରାୟ ୭୫.୦୭ କୋଟି ଟଙ୍କା ।
ଏହା ପୂର୍ବରୁ ଜନ୍ ୨୦୦୯ ରେ ଏକ ଘର କିଣିଥିଲେ । ୟୁନିଅନ ପାର୍କ ନିକଟ ପାରସି ପରିବାର ନିକଟରେ ସେ ଉକ୍ତ ଫ୍ଲାଟ କିଣିଥିଲେ । ଏବେ ଜନ୍ ପୁଣି ଆଉ ଏକ ନୂଆ ଘର କିଣିଛନ୍ତି ।
