ମୁମ୍ବାଇ, ମହରାଷ୍ଟ୍ରର ସମ୍ଭାଜୀନଗର ଜିଲ୍ଲାର ବାଲୁଂଜ ଏମଆଇଡିସି ଅଞ୍ଚଳରେ ଥିବା ମୌଜା ତିଆରି ଏକ କମ୍ପାନୀରେ ଗତକାଲି ରାତିରେ ଭୟାବହ ଅଗ୍ନିକାଣ୍ଡ ହୋଇଛି । ରାତିରେ ହଠାତ୍ ନିଆଁ ଲାଗିବା ଯୋଗୁ 6ଜଣ ଶ୍ରମିକ ଜୀବନ୍ତ ଜଳିଯାଇଛନ୍ତି । ସେହିପରି 7ଜଣ ଶ୍ରମିକଙ୍କୁ ଉଦ୍ଧାର କରାଯାଇଛି । ରବିବାର ସକାଳେ ଅଗ୍ନିଶମ ବାହିନୀ ନିଆଁକୁ ଆୟତ୍ତ କରିଛି ।
ବାଲୁଂଜ ଏମଆଇଡିସି ଅଞ୍ଚଳରେ ସନସାଇନ ନାମକ ମୋଜା ତିଆରି କମ୍ପାନୀରେ ରାତିରେ ପ୍ରାୟ 13ଜଣ ଶ୍ରମିକ କାମ କରୁଥିଲେ । କମ୍ପାନୀର କବାଟରେ ହିଁ ଗତକାଲି ରାତିରେ ନିଆଁ ଲାଗିଯାଇଥିଲା । ନିଆଁ ଲାଗିବା ଦେଖି 7ଜଣ ଶ୍ରମିକ କୌଣସି ମତେ କାରଖାନାରୁ ବାହାରି ଆତ୍ମ ରକ୍ଷା କରିଥିଲେ । କିନ୍ତୁ 6ଜଣ ଶ୍ରମିକ ବାହାରି ପାରିନଥିଲେ । ଫଳରେ ନିଆଁରେ ଜଳିଯାଇଥିଲେ 6ଜଣ ଶ୍ରମିକ । ସମସ୍ତ ମୃତଦେହକୁ ଜବତ କରାଯାଇ ପୋଷ୍ଟମର୍ଟମ ପାଇଁ ପଠାଯାଇଛି ।
ବିଧାୟକ ସନ୍ଦିପନ ଭୂମରେ ଘଟଣାକୁ ନେଇ ଦୁଃଖ ପ୍ରକାଶ କରିଛନ୍ତି । ମାମଲାର ତଦନ୍ତ କରାଯିବା ସହ ଦୋଷୀ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ।
