କୈଳାଶ ଚନ୍ଦ୍ର ପଣ୍ଡାଙ୍କ ରିପୋର୍ଟ
ପୁରୀ,ଚନ୍ଦ୍ରଭାଗାର ସ୍ବର୍ଣ୍ଣିମ ବେଳାଭୂମିରେ ନବ ବର୍ଷକୁ ସ୍ବାଗତ କରିବା ପାଇଁ କୋଣାର୍କର ବାଲୁକା ଶିଳ୍ପୀ ଶରିତା ଗୋଛାୟତ ଚମତ୍କାର ବାଲୁକା କଳାକୃତି ପ୍ରସ୍ତୁତ କରିଛନ୍ତି। ସେ ଏଥିରେ ପ୍ରଭୁ ଶ୍ରୀରାମ, ମାତା ସୀତା, ଭ୍ରାତା ଲକ୍ଷ୍ମଣ ଓ ହନୁମାନଙ୍କ ପ୍ରତିକୃତି ପ୍ରସ୍ତୁତ କରିଥିବାବେଳେ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଏବଂ ଅଯୋଧ୍ୟାରେ ରାମ ମନ୍ଦିରକୁ ବାଲୁକା କଳାରେ ପ୍ରଦର୍ଶିତ କରିଛନ୍ତି । ଜଣେ ମହିଳା ବାଲୁକା ଶିଳ୍ପୀ ଭାବେ ସେ ନିର୍ମାଣ କରିଛନ୍ତି ସୁଉଚ୍ଚ ଓ ବିଶାଳ ବାଲୁକା କଳାକୃତି। ଏହି ବାଲୁକା କଳାକୃତି ଆସନ୍ତା ଜାନୁଆରୀ ୧ ତାରିଖ ପର୍ଯ୍ୟନ୍ତ ପ୍ରଦର୍ଶିତ ହେବ । ଏହାକୁ ଦେଖିବା ପାଇଁ ପର୍ଯ୍ୟଟକଙ୍କ ମଧ୍ୟରେ ପ୍ରବଳ ଉତ୍ସାହ ପରିଲକ୍ଷିତ ହୋଇଥିଲା।
