-
ସଂସ୍କୃତି, ସଭ୍ୟତା ଓ ସ୍ୱାଭିମାନର ରକ୍ଷା ପାଇଁ ବୀର ସାହିବଜାଦାଙ୍କ ବଳିଦାନ ବିଶ୍ୱ ପାଇଁ ପ୍ରେରଣା – ଧର୍ମେନ୍ଦ୍ର ପ୍ରଧାନ
-
ବୀର ବାଲ୍ ଦିବସ ଭାରତୀୟତାକୁ ରକ୍ଷା କରିବା ପାଇଁ କିଛି ବି କରିବାର ସଂକଳ୍ପର ପ୍ରତୀକ ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି
-
ପ୍ରଧାନମନ୍ତ୍ରୀଙ୍କ ଅଭିଭାଷଣ ଦେଶର ଯୁବପିଢ଼ିଙ୍କୁ ଆମ ଦେଶର ଐତିହ୍ୟକୁ ନେଇ ଗର୍ବ କରିବା ପାଇଁ ପ୍ରେରିତ କରିବ
-
ଯୁବା ସାମର୍ଥ୍ୟକୁ ଦେଶରେ ପୁନଃ ପରିଚିତ କରାଇଥିବାରୁ ପ୍ରଧାନମନ୍ତ୍ରୀଙ୍କୁ ଧନ୍ୟବାଦ
-
ଭାରତ ହେଉଛି ନଚିକେତା, ଅଭିମନ୍ୟୁ, ଏକଲବ୍ୟ, ଧ୍ରୁବ, ଖୁଦିରାମ ବୋଷ, ବାଜି ରାଉତ, କନକଲତା ବରୁଆ, ରାଣୀ ଗାଇଦିନଲ୍ୟୁଙ୍କ ଭଳି ଯୁବପିଢ଼ିଙ୍କ ଦେଶ
-
ନୂଆଦିଲ୍ଲୀ ଗୁରୁଦ୍ୱାରରେ ଦେଶରେ ଶାନ୍ତି ଓ ସମୃଦ୍ଧି ପାଇଁ ପ୍ରାର୍ଥନା ସହ ଲଙ୍ଗର ସେବା କଲେ କେନ୍ଦ୍ରମନ୍ତ୍ରୀ
ନୂଆଦିଲ୍ଲୀ/ଭୁବନେଶ୍ୱର, ‘ବୀର ବାଲ ଦିବସ’ ଅବସରରେ ମଙ୍ଗଳବାର ନୂଆଦିଲ୍ଲୀର ଭାରତ ମଣ୍ଡପମଠାରେ ଠାରେ ଆୟୋଜିତ ସ୍ୱତନ୍ତ୍ର କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ କେନ୍ଦ୍ର ଶିକ୍ଷା, ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସାମିଲ ହୋଇଛନ୍ତି ।
ଶ୍ରୀ ପ୍ରଧାନ କହିଛନ୍ତି ବୀର ବାଲ୍ ଦିବସ ଭାରତୀୟତାର ରକ୍ଷା ପାଇଁ କିଛି କରିବାର ସଂକଳ୍ପର ପ୍ରତୀକ ବୋଲି ପ୍ରଧାନମନ୍ତ୍ରୀ କହିଛନ୍ତି । ସଂସ୍କୃତି, ସଭ୍ୟତା ଓ ସ୍ୱାଭିମାନର ରକ୍ଷା ପାଇଁ ଭାରତର ବୀର ସାହିବଜାଦାଙ୍କ ବଳିଦାନ କେବଳ ଭାରତ ପାଇଁ ନୁହେଁ ବରଂ ସମଗ୍ର ବିଶ୍ୱ ପାଇଁ ପ୍ରେରଣା । ଆଜିର ବୀର ବାଲ୍ ଦିବସ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଇଥିବା ଅଭିଭାଷଣ ଆମ ସମସ୍ତଙ୍କୁ, ବିଶେଷ ଭାବରେ ଦେଶର ଯୁବପିଢ଼ିଙ୍କୁ ଆମ ଦେଶର ଐତିହ୍ୟକୁ ନେଇ ଗର୍ବ କରିବା ପାଇଁ ପ୍ରେରଣା ଯୋଗାଇବ ।
ଯୁବା ସାମର୍ଥ୍ୟକୁ ଦେଶରେ ପୁନଃ ପରିଚିତ କରାଇଥିବାରୁ ପ୍ରଧାନମନ୍ତ୍ରୀଙ୍କୁ ଧନ୍ୟବାଦ ଜଣାଇବା ସହ ସେ କହିଛନ୍ତି ଭାରତ ହେଉଛି ନଚିକେତା, ଅଭିମନ୍ୟୁ, ଏକଲବ୍ୟ, ଧ୍ରୁବ, ଖୁଦିରାମ ବୋଷ, ବାଜି ରାଉତ, କନକଲତା ବରୁଆ, ରାଣୀ ଗାଇଦିନଲ୍ୟୁଙ୍କ ଭଳି ଯୁବପିଢ଼ିଙ୍କ ଦେଶ । ଏହି ମାନେ ବାଲ୍ୟକାଳରେ ମାତୃଭୂମି ପାଇଁ ସବୁ କିଛି ତ୍ୟାଗ କରିବା ପୂର୍ବରୁ ନିଜ କଥା ଚିନ୍ତା କରିନଥିଲେ । ଏହି ବୀରମାନଙ୍କ ବଳିଦାନ ଦେଶ ପାଇଁ ପ୍ରେରଣା । ଆମର ଅମୃତପିଢି ଆମ ଦେଶର ବୃହତ ଯୁବ ପରମ୍ପରାରୁ ପ୍ରେରଣା ନେବେ ଏବଂ ଗୋଟିଏ ସମୟର ମୂଲ୍ୟକୁ ଅପଚୟ ନକରି ବିକଶିତ ଭାରତ ସଂକଳ୍ପ ପୂରଣ କରିବା ପାଇଁ ଅଗ୍ରସର ହେବେ ବୋଲି ସେ କହିଛନ୍ତି ।
ଏହି ଶୁଭଦିନରେ କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ ନୂଆଦିଲ୍ଲୀ ସ୍ଥିତ ଗୁରୁଦ୍ୱାର ଶ୍ରୀ ବଙ୍ଗଳା ସାହିବ ଜୀଙ୍କ ଦର୍ଶନ କରିବା ସହ ଦେଶରେ ଶାନ୍ତି ଓ ସମୃଦ୍ଧି ପାଇଁ ପ୍ରାର୍ଥନା କରିଥିଲେ । ଏହି ଅବସରରେ ଶ୍ରୀ ପ୍ରଧାନ ଗୁରୁଦ୍ୱାରରେ ଲଙ୍ଗର ସେବା କରି ସୋଭାଗ୍ୟଶାଳୀ ବୋଲି କହିଥିଲେ । କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନଙ୍କ ସହ କେନ୍ଦ୍ର ମହିଳା ଓ ଶିଶୁ ବିକାଶ ମନ୍ତ୍ରୀ ସ୍ମୃତି ଇରାନୀ, କେନ୍ଦ୍ର ଯୁବ ବ୍ୟାପାର ଓ କ୍ରୀଡା ମନ୍ତ୍ରୀ ଅନୁରାଗ ଠାକୁର ପ୍ରମୁଖ ସାମିଲ ହୋଇଥିଲେ।
