ସମ୍ବଲପୁର/ଭୁବନେଶ୍ୱର,ହାତୀ ଧାନ ଖାଇବାରୁ ବିଷ ପିଇଲେ ଚାଷୀ । ଚିକିତ୍ସାଧୀନ ଅବସ୍ଥାରେ ଚାଷୀଙ୍କ ମୃତ୍ୟୁ । ଏଭଳି ଅଭିଯୋଗ ଆସିଛି ସମ୍ବଲପୁର ଜିଲ୍ଲା କୁଚିଣ୍ଡାରୁ । ମୃତ ଚାଷୀ ହେଲେ ଜମନକିରା ବ୍ଲକ ଗୁଣ୍ଡୁରୁଚୁଆ ପଂଚାୟତ କତରକେଲା ଗାଁର ଚାଷୀ ବିରବଲ ଦାସ ।
ସୂଚନା ଅନୁଯାୟୀ ଜମନକିରା ବ୍ଲକ ଗୁଣ୍ଡୁରୁଚୁଆ ପଂଚାୟତ କତରକେଲା ଗାଁର ଚାଷୀ ବିରବଲ ଦାସ ଭାଗରେ ୧ ଏକର ଜମିରେ ଧାନ ଚାଷ କରିଥିଲେ । ତେବେ ହାତୀ ପଲ ଫସଲ ନଷ୍ଟ କରିଦେଇଥିଲେ । କ୍ଷତି ସହିନପାରି ଗତକାଲି ବିରବଲ ବିଷ ପିଇଦେଇଥିଲେ । ଗୁରୁତର ଅବସ୍ଥାରେ ତାଙ୍କୁ ପ୍ରଥମେ କୁଚିଣ୍ଡା ଡାକ୍ତରଖାନାରେ ଭର୍ତି କରାଯାଇଥିଲା । ପରେ ସ୍ୱାସ୍ଥ୍ୟ ଅବସ୍ଥା ଗୁରୁତର ହେବାରୁ ତାଙ୍କୁ ବୁର୍ଲା ଡାକ୍ତରଖାନାକୁ ସ୍ଥାନାନ୍ତର । ବୁର୍ଲାରେ ଚିକିତ୍ସାଧିନ ଅବସ୍ଥାରେ ଚାଷୀଙ୍କ ମୃତ୍ୟୁ ଘଟିଛି ।
