ଜୟପୁର– ଜୟପୁରରେ ଜେଇଏଲସି ଚର୍ଚ୍ଚରେ ପାଳନ ହେଉଛି ବଡଦିନ । କୋରାପୁଟ ଜିଲା ସହ ଜୟପୁର ସହରରେ ଥିବା ଚର୍ଚ୍ଚରେ ଯୀଶୁଖ୍ରୀଷ୍ଟଙ୍କ ଜନ୍ମ ଦିବସ ପାଳିତ ହୋଇଛି । ଚର୍ଚ୍ଚରେ ଆକର୍ଷଣିୟ ତୋରଣ ସହ ଆଲୋକ ମାଳାରେ ସଜ୍ଜିତ କରାଯାଇଛି । ଖ୍ରୀଷ୍ଟିୟ ସମ୍ପ୍ରଦାୟର ଯୁବକ, ଯୁବତୀ, ଛୋଟ ଠାରୁ ବୃଦ୍ଧ ବନିତା ନୂତନ ବସ୍ତ୍ର ପିନ୍ଧି ଥିଲେ । ଚର୍ଚ୍ଚରେ ପରବାର ସହ ଏକତ୍ରିତ ହୋଇ ମିଳିତ ପ୍ରାର୍ଥନା ଏବଂ ବାଇବେଲ ପାଠ କରିଥିଲେ । ସମସ୍ତେ ପରସ୍ପରକୁ ଯୀଶୁଖ୍ରୀଷ୍ଟଙ୍କ ଜନ୍ମ ଦିବସରେ ଶୁଭ କାମନା ଜଣାଇବା ସହ ମିଷ୍ଟାନ ବଣ୍ଟନ କରିଥିଲେ । ଜୟପୁର ମୁଖ୍ୟ ଚର୍ଚ୍ଚ ଜେଇଏଲସି ଚର୍ଚ୍ଚରେ ପାଷ୍ଟର ବାଇବେଲ ପାଠ କରିଥିଲେ । ଯୀଶୁଖ୍ରୀଷ୍ଟଙ୍କ ଜନ୍ମ ଦିବସ ଅବସରରେ ଜୟପୁର ବିଧାୟକ ତାରା ପ୍ରସାଦ ବାହିନିପତି ଚର୍ଚ୍ଚକୁ ଯାଇ ଖ୍ରୀଷ୍ଟିଆନ ସମ୍ପ୍ରଦାୟକୁ ଶୁଭେଛା ଜଣାଇ ପ୍ରାର୍ଥନାରେ ଯୋଗଦେଇଥିଲେ । ଚର୍ଚ୍ଚରେ ପୂର୍ବତନ ମନ୍ତ୍ରୀ ରବି ନାରାୟଣ ନନ୍ଦ ପ୍ରମୁଖ ଉପସ୍ଥିତ ରହି ଖ୍ରୀଷ୍ଟିୟ ସମ୍ପ୍ରଦାୟର ଭାଇ ଉଭଣିଙ୍କୁ ବଡ ଦିନ ଅବସରରେ ଶୁଭେଛା ଜ୍ଞାପନ କରିଥିଲେ ।
ଏଠାରେ ପ୍ରଫୁଲ ଭତ୍ରା, ପ୍ରଣବ କିଶୋର ନାୟକ, ବିରେନ୍ଦ୍ର ସାଗର, ସୁବାଶିଷ ନାୟକ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ ।
