ରାୟପୁର/ସୁକୁମା/ବିଜାପୁର, ଛତିଶଗଡର ବସ୍ତରରେ ତାଣ୍ଡବ ରଚିଛନ୍ତି ମାଓବାଦୀ । ବୁଧବାର ବିଳମ୍ବିତ ରାତିରେ ମାଓବାଦୀମାନେ ଏକ ଯାତ୍ରୀବାହୀ ବସ ଉପରକୁ ପଥର ଫିଙ୍ଗିବା ସହ 2ଟି ଟ୍ରକ ଜାଳି ଦେଇଛନ୍ତି । ନକ୍ସଲଙ୍କ ଉପଦ୍ରବ ଯୋଗୁ ଜାତୀୟ ରାଜପଥ 30ରେ ଯାତାୟତ ବନ୍ଦ ରହିଛି । ସେହିପରି ଭୈରମଗଡ-ବିଜାପୁର ଏନଏଚ-163ରେ ମାଓବାଦୀମାନେ ଏକ ଗଛ କାଟି ରାସ୍ତା ଅବରୋଧ କରିଛନ୍ତି । ଫଳରେ ଏହି ରାସ୍ତାରେ ମଧ୍ୟ ଯାତାୟତ ବନ୍ଦ ରହିଛି । ଏହି ସମସ୍ତ ସ୍ଥାନରେ ମାଓବାଦୀମାନେ ପୋଷ୍ଟର ଛାଡିଛନ୍ତି । ଯେଉଁଥିରେ ମାଓବାଦୀମାନେ ଡିସେମ୍ବର 22ରେ ଭାରତ ବନ୍ଦ ପାଇଁ ଆହ୍ୱାନ ଦେଇଛନ୍ତି । ସୁକୁମା ଜିଲ୍ଲାର ଜଗରଗୁଣ୍ଡା ଥାନା ଅଞ୍ଚଳ କୁମାରଗୁନ୍ଦା ନିକଟରେ ବୁଧବାର ସନ୍ଧ୍ୟାରେ ମାଓବାଦୀମାନେ ଏକ ପିକଅପ ଭ୍ୟାନ ମଧ୍ୟ ଜାଳି ଦେଇଛନ୍ତି ।
