ନୂଆଦିଲ୍ଲୀ,ଟାଟା ଗ୍ରୁପର ଏୟାର ଇଣ୍ଡିଆ ଏୟାର ଲାଇନ୍ସ ମଙ୍ଗଳବାର ନିଜର ସମସ୍ତ ସୋସିଆଲ ମିଡିଆ ପ୍ଲାଟଫର୍ମ ଏବଂ ୱେବସାଇଟରେ ନିଜର ନୂଆ ବ୍ରାଣ୍ଡ ଲୋଗୋର ବ୍ୟବହାର ଆରମ୍ଭ କରିଛି । ଏହାସହିତ ଏୟାର ଇଣ୍ଡିଆ ପୁରୁଣା ଏୟାର ଇଣ୍ଡିଆରୁ ନୂଆ ଏୟାର ଇଣ୍ଡିଆକୁ ଏହାର ପୂର୍ଣ୍ଣ ପରିବର୍ତ୍ତନ ଘୋଷଣା କରିଛି ।
ଏୟାର ଇଣ୍ଡିଆ ଏବେ ସୋସିଆଲ ମିଡିଆ ପ୍ଲାଟଫର୍ମ ଏକ୍ସ ପୋଷ୍ଟ ଏବଂ ଇନଷ୍ଟାଗ୍ରାମରେ ଏକ ନୂଆ ଲୁକରେ ନଜର ଆସିଛି । ଏୟାର ଲାଇନ୍ସ ନୂଆ ଲୋଗୋ ସହିତ ଏକ ଭିଡିଓ ପୋଷ୍ଟରେ ଲେଖିଛି ଯେ, ଏୟାର ଇଣ୍ଡିଆର ସାହାସିକ, ଉଷ୍ମ ଓ ଜୀବନ୍ତ ଅଧ୍ୟାୟକୁ ଆପଣଙ୍କୁ ସ୍ୱାଗତ କରାଯାଉଛି । ସମ୍ଭାବ୍ୟ ୱିଣ୍ଡୋ ମାଧ୍ୟମରେ ଆମେ ଭାରତୀୟ ବିମାନ ଚଳାଚଳର ଏକ ନୂତନ ଯୁଗର ଆରମ୍ଭ କରୁଛୁ । ”
ଏହି ମାସରେ, ଏୟାର ଇଣ୍ଡିଆ ଏହାର କ୍ୟାବିନ ଏବଂ କକପିଟ କ୍ରୁ ସଦସ୍ୟଙ୍କ ପାଇଁ ମନୀଷ ମଲହୋତ୍ରାଙ୍କ ଦ୍ୱାରା ଡିଜାଇନ୍ ହୋଇଥିବା ୟୁନିଫର୍ମର ପ୍ରଥମ ଝଲ୍କ ଦେଖାଇଥିଲା । ଏୟାର ଇଣ୍ଡିଆର ନୂତନ ୟୁନିଫର୍ମ ପ୍ରଥମେ ଏୟାରବସ୍ ଏ350 ବିମାନର କ୍ରୁ ସଦସ୍ୟମାନଙ୍କୁ ଦିଆଯିବ ।
