ସିକର– ନିମକାଥାନାର ରିଙ୍ଗସ-ଶ୍ରୀମାଧୋପୁର ମାର୍ଗରେ ଥିବା ଛିଲାଭାଲି ବସଷ୍ଟାଣ୍ଡରେ ରବିବାର ସନ୍ଧ୍ୟାରେ ଭୟାବହ ଦୁର୍ଘଟଣା ଘଟିଛି । ସ୍କୁଲ ବସ, କାର ଓ ବାଇକ ମଧ୍ୟରେ ଦୁର୍ଘଟଣା ଯୋଗୁ ଦୁଇ ଭାଇଙ୍କ ସମେତ 5ଜଣଙ୍କ ମୃତ୍ୟୁ ହୋଇଛି । ଦୁଇଜଣ ଗୁରୁତର ଆହତ ହୋଇଛନ୍ତି ।
ପୋଲିସର ସୂଚନା ମୁତାବକ, ଶ୍ରୀମାଧୋପୁରର ମହାତ୍ମା ଗାନ୍ଧି ଇଣ୍ଟରନ୍ୟାସନାଲ ସ୍କୁଲ ପିଲାଙ୍କୁ ନେଇ ବସଟି ଜୟପୁରର ଆମେରରୁ ଫେରୁଥିଏେ । ଏହି ସମୟରେ ଶ୍ରୀମାଧୋପୁରରୁ ରିଙ୍ଗସ ଅଭିମୁଖେ ଏକ କାର ଆସୁଥିଲା । ଛିଲାଭାଲି ବସ ଷ୍ଟାଣ୍ଡ ହରଗୁଣ ବାଲାଜୀ ନିକଟରେ କାରଟି ଏକ ବାଇକ ସହ ଧକ୍କା ହେବା ପରେ ବସ ସହ ମାଡ ହୋଇଥିଲା । ଦୁର୍ଘଟଣାସ୍ଥଳରେ ହିଁ 3ଜଣଙ୍କ ମୃତ୍ୟୁ ହୋଇଥିଲା । ସେହିପରି ଚିକିତ୍ସା ପାଇଁ ଜୟପୁର ସ୍ଥାନାନ୍ତର ବେଳେ ଦୁଇଜଣଙ୍କର ମୃତ୍ୟୁ ହୋଇଥିଲା । ଦୁଇଜଣ ଆହତଙ୍କୁ ଜୟପୁର ମେଡିକାଲ ନିଆଯାଇଛି । କାରରେ 4ଜଣ ଥିବା ବେଳେ 3ଜଣଙ୍କର ମୃତ୍ୟୁ ହୋଇଛି । ସେହିପରି ବାଇକରେ 3ଜଣ ଯାଉଥିବା ବେଳେ ଜଣଙ୍କର ମୃତ୍ୟୁ ହୋଇଛି ।
