କୈଳାଶ ଚନ୍ଦ୍ର ପଣ୍ଡାଙ୍କ ରିପୋର୍ଟ,
ପୁରୀ,ଗୋପୀନାଥ ଦେବ ଡିଗ୍ରୀ କଲେଜ ପ୍ରତାପ ପୁରୁଷୋତ୍ତମପୁର ତତ୍ୱାବଧାନରେ ଓଡିଶା ସରକାରଙ୍କ ଦ୍ଵାରା ଆୟୋଜିତ ଯୁବ ବିକାଶ କାର୍ଯ୍ୟକ୍ରମ ଯଥା ନୂଆ ଓଡିଶା , ଯୁବ ଓଡିଶା , ନବୀନ ଓଡିଶା ଏହି କାର୍ଯ୍ୟକ୍ରମ ଗୁଡ଼ିକୁ ଡିଗ୍ରୀ କଲେଜ ରେ ପରିଚାଳନା ସମିତି ର ସଭାପତି ଶ୍ରୀଯୁକ୍ତ ଧରଣୀଧର ପ୍ରଧାନ ପ୍ରଦୀପ ପ୍ରଜ୍ବଳନ କରି ଉଦଘାଟନ କରିଥିଲେ । ସମ୍ମାନିତ ଅତିଥି ଭାବେ ସ୍ଥାନୀୟ ସରପଞ୍ଚ ସଂଯୁକ୍ତା ମହାରଣା, ଜିଲ୍ଲା ପରିଷଦ ସଭ୍ୟା ମୋନାଲି ମିଶ୍ର, ପୁରୀ ସଦର ବ୍ଲକ ଆତ୍ମା ର ଅଧ୍ୟକ୍ଷ ରାମଚନ୍ଦ୍ର ଷଡଙ୍ଗୀ , ସମାଜସେବୀ ପ୍ରସନ୍ନ କୁମାର ମିଶ୍ର, ପ୍ରଫୁଲ୍ଲ ଚନ୍ଦ୍ର ପଟ୍ଟନାୟକ ଯୋଗ ଦେଇ ଓଡ଼ିଶା ସରକାରଙ୍କ ଏହି ଭଳି କାର୍ଯ୍ୟକ୍ରମ କୁ ପ୍ରଶଂସା କରିବା ସଂଗେ ସଂଗେ ଏ ସବୁ ଜାତି ର ଗୌରବ ରେ କ୍ରୀଡା ର ଭୂମିକା ସମ୍ପର୍କରେ ଆଲୋକପାତ କରିଥିଲେ । ଏହି କାର୍ଯ୍ୟକ୍ରମ ଦୀର୍ଘ ୧୫ ଦିନ ଧରି ଚାଲିବ । ଏହି କାର୍ଯ୍ୟକ୍ରମ ରେ ନୋଡାଲ ଅଫିସର ବାମଦେବ ସାହୁ, କ୍ରୀଡା ବିଭାଗ ର ନୋଡାଲ ଅଫିସର ଭାସ୍କର ଚନ୍ଦ୍ର ସାହୁଙ୍କ ସମେତ କଲେଜ ର ସମସ୍ତ ଅଧ୍ୟାପକ ଓ କର୍ମଚାରୀ ମାନେ ପରିଚାଳନା ରେ ସହଯୋଗ କରିଥିଲେ । ଅଧ୍ୟକ୍ଷ ସୁଦର୍ଶନ ମହାରଥୀ ସ୍ୱାଗତ ଭାଷଣ ପ୍ରଦାନ କରିଥିଲେ । କଲେଜର ବହୁସଂଖ୍ୟକ ଛାତ୍ର ଛାତ୍ରୀ ଉତ୍ସାହ ର ସହିତ କ୍ରୀଡା ପ୍ରତିଯୋଗିତାରେ ଭାଗ ନେଇଥିଲେ । କ୍ରୀଡା ଅଧ୍ୟାପକ ରବିନାରାୟଣ ମିଶ୍ର ଧନ୍ୟବାଦ ପ୍ରଦାନ କରିଥିଲେ ।
