ପାଟଣା– ତିବ୍ଦତୀୟ ଧର୍ମଗୁରୁ ଦଲାଇଲାମା ଶୁକ୍ରବାର ସ୍ୱତନ୍ତ୍ର ବିମାନ ଯୋଗେ ବୋଧ ଗୟାରେ ପହଞ୍ଚିଛନ୍ତି । ସଡକ ମାର୍ଗରେ ଯିବା ସମୟରେ ବହୁ ସଂଖ୍ୟାରେ ଲୋକେ ତାଙ୍କର ଭବ୍ୟ ସ୍ୱାଗତ କରିଥିଲେ । ବୁଦ୍ଧଗୟାରେ ତିବ୍ଦତୀୟ ମନ୍ଦିରରେ ଦଲାଇଲାମା ପ୍ରାୟ ଏକମାସ ରହିବେ । ଏହି ଅବସରରେ ସେ ବିଭିନ୍ନ କାର୍ଯ୍ୟକ୍ରମରେ ଯୋଗ ଦେବେ । ଧର୍ମଗୁରୁ ଦଲାଇଲାମାଙ୍କ ବୁଦ୍ଧଗୟା ଆଗମନକୁ ନେଇ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ଏୟାରପୋର୍ଟଠାରୁ ଆରମ୍ଭ କରି ବୁଦ୍ଧଗୟା ପର୍ଯ୍ୟନ୍ତ ପୋଲିସ ମୁତୟନ ହୋଇଛନ୍ତି ।
