କୈଳାଶ ଚନ୍ଦ୍ର ପଣ୍ଡାଙ୍କ ରିପୋର୍ଟ,
ପୁରୀ,ଭାରତର ମଧ୍ୟପ୍ରଦେଶ ରାଜ୍ୟର ବହୁ ଚର୍ଚ୍ଚିତ ବାଗେଶ୍ୱର ଧାମ ସରକାର ତଥା ବାବା ଧୀରେନ୍ଦ୍ର କ୍ରିଷ୍ଣା ଶାସ୍ତ୍ରୀ ପୁରୀ ଆସି ମହାପ୍ରଭୁ ଶ୍ରୀଜଗନ୍ନାଥଙ୍କୁ ଦର୍ଶନ କରିଛନ୍ତି |
ଏଥି ସହିତ ସେ ନିଜ ପ୍ରତିକ୍ରିୟାରେ କହିଛନ୍ତି ଯେ ଯେତେ ଦିନ ପର୍ଯ୍ୟନ୍ତ ଓଡିଶା ତଥା ଭାରତରେ ଅଛନ୍ତି ମହାପ୍ରଭୁ ଶ୍ରୀଜଗନ୍ନାଥ, ଦୁନିଆରେ କେହି ନୁହନ୍ତି ଅନାଥ, ସମସ୍ତେ ହେଉଛନ୍ତି ସନାଥ | ସେ କହିଛନ୍ତି ଜଗତର ନାଥ ମହାପ୍ରଭୁ ଶ୍ରୀଜଗନ୍ନାଥ ରଥଯାତ୍ରା ସମୟରେ ଯେମିତି ସମସ୍ତ ଭକ୍ତ ରଥ ଟାଣନ୍ତି ଓ ସମସ୍ତ ଭକ୍ତଙ୍କ ହାତରେ ଥାଏ ରଥ ଦଉଡି ସେହିପରି ମନୁଷ୍ୟ ଜୀବନ ରୂପକ ରଥର ଦଉଡି ମହାପ୍ରଭୁଙ୍କ ହାତରେ ରହିଛି |ବାବା କହିଛନ୍ତି ଯେ ସେ ୫ରୁ ୬ ବର୍ଷ ପୂର୍ବରୁ ପୁରୀ ଆସି ଦର୍ଶନ କରିଥିଲେ ଏବେ ପୁନର୍ବାର ମହାପ୍ରଭୁଙ୍କ ଆଶୀର୍ବାଦ ରୁ ଦର୍ଶନ କରିବାର ସୌଭାଗ୍ୟ ମିଳିଥିବାରୁ ସେ ଖୁସି ପ୍ରକାଶ କରିଥିଲେ |ଦର୍ଶନ ସମୟରେ ମହାପ୍ରଭୁ ଶ୍ରୀଜଗନ୍ନାଥ ଙ୍କ ବରିଷ୍ଠ ସେବକ ତଥା ବିଜେପି ରାଷ୍ଟ୍ରୀୟ ପରିଷଦ ସଦସ୍ୟ ମଧୁସୂଦନ ସିଂହାରୀ ଉପସ୍ଥିତ ରହି ଦର୍ଶନ କରାଇଥିଲେ |
