ପୁରୀ,ଶ୍ରୀମନ୍ଦିର ପଶ୍ଚିମ ଦ୍ୱାର ନିକଟରେ ବସିରହିଥିବା ଅସହାୟ ବୃଦ୍ଧା ମହିଳାଙ୍କୁ ସହାୟତା କଲେ ପୋଲିସ କର୍ମଚାରୀ |ସୂଚନା ଅନୁସାରେ ଶ୍ରୀମନ୍ଦିର ପଶ୍ଚିମ ଦ୍ଵାର ଜୋତା ଷ୍ଟାଣ୍ଡ ନିକଟ ଯାତାୟାତ ରାସ୍ତା କଡରେ ଦୀର୍ଘ ସମୟ ପର୍ଯ୍ୟନ୍ତ ଜଣେ ଅସହାୟ ବୃଦ୍ଧା ମହିଳା ବସି ରହିଥିଲେ |ତାଙ୍କୁ ଦେଖିବା ପରେ ପଶ୍ଚିମ ଦ୍ଵାର ନିକଟରେ କାର୍ଯ୍ୟରତ ପୋଲିସ କର୍ମଚାରୀ IRB ହାବିଲଦାର ଦେବାଶିଷ ଶତପଥି ଦୟା ପୂର୍ବକ ମହିଳା ସହିତ କଥା ହୋଇଥିଲେ |ମହିଳା ଜଣଙ୍କ କାନ୍ଦିବା ସହିତ ଅସହାୟ ବୋଲି କହିଥିଲେ |ଏହାପରେ ହାବିଲଦାର ଦେବାଶିଷ ମହିଳାଙ୍କ ପରିଚୟ ପଚାରି ବୁଝିବା ସହିତ ୧୧୨ ହେଲ୍ପ ଲାଇନ ଏବଂ ସ୍ଥାନୀୟ ସିଂହଦ୍ୱାର ଥାନା ସହଯୋଗରେ ମହିଳାଙ୍କୁ ଅନାଥ ଆଶ୍ରମକୁ ପଠାଇ ଥିଲେ | ଜନୈକ ମହିଳାଙ୍କ ଘର ଗଞ୍ଜାମ ଜିଲ୍ଲା ହୋଇଥିବା ବେଳେ ନାମ କୁନି ଦାସ ଏବଂ ବୟସ ୭୮ ବୋଲି ଜଣାପଡିଛି |ମହିଳାଙ୍କ କହିବା ଅନୁସାରେ ସେ ଦୀର୍ଘ କୋଡିଏ ବର୍ଷ ଧରି ପୁରୀର ଏକ ମଠରେ ମାସିକ ଭଡା ଦେଇ ରହି ଆସୁଥିଲେ କିନ୍ତୁ ମହିଳା ବୟସ ଅଧିକ ହେବାରୁ ତାଙ୍କୁ ସେଠାରୁ ବାହାର କରି ଦିଆଯାଇଛି |
ଏହି ପ୍ରକ୍ରିୟାରେ ନିକଟରେ ଉପସ୍ଥିତ ୱେବ ମିଡ଼ିଆ ” ଇଣ୍ଡୋ କଳିଙ୍ଗ ଟାଇମ୍ସ” ର ପୁରୀ ଜିଲ୍ଲା ପ୍ରତିନିଧି ସାମ୍ବାଦିକ କୈଳାଶ ଚନ୍ଦ୍ର ପଣ୍ଡା ସହଯୋଗ କରିଥିଲେ |କାର୍ଯ୍ୟରତ ପୋଲିସ କର୍ମଚାରୀଙ୍କ ଏଭଳି ଦୟା ଭାବନାକୁ ସାଧାରଣରେ ପ୍ରଶଂସା କରାଯାଇଛି |
କୁନି ଦାସଙ୍କ ଯୋଗାଯୋଗ ନମ୍ବର -7377986594
