କୋରବା/ଜାଞ୍ଜଗିରି, ଜିଲ୍ଲାର ମୁଲମୁଲା ଥାନା ଅଂଚଳରେ ରବିବାର ସକାଳେ ମର୍ମନ୍ତୁଦ ସଡକ ଦୁର୍ଘଟଣାରେ ବର କନ୍ୟା ସମେତ 5ଜଣଙ୍କ ମୃତ୍ୟୁ ହୋଇଛି । ଦ୍ରୁତଗତିରେ ଆସୁଥିବା ଏକ ଟ୍ରକ କାରକୁ ଧକ୍କା ଦେବା କାରଣରୁ ଦୁର୍ଘଟଣା ଘଟିଛି । କନ୍ୟାକୁ ନେଇ ବଲୌଦାରୁ ଫେରୁଥିବା ବେଳେ ଏହି ଦୁର୍ଘଟଣା ଘଟିଛି ।
ବଲୌଦା ବାସିନ୍ଦା ସୋନି ପରିବାରର ପୁଅ ଶୁଭମ ସୋନିର ବିବାହ ଶିବରିନାରାୟଣ ବାସିନ୍ଦା ନେହାଙ୍କ ସହିତ ଶନିବାର ରାତିରେ ଅନୁଷ୍ଠିତ ହୋଇଥିଲା । ରବିବାର ସକାଳେ ବିଦାଇ ପରେ ବର ଶୁଭମ, କନ୍ୟା ନେହା, ଶୁଭମଙ୍କ ପିତା ଓମ୍ ପ୍ରକାଶ ସୋନି, ସମ୍ପର୍କୀୟ ସରଜୁ ସୋନି ଓ ରେବତୀ ସୋନି ଏକ କାର ଯୋଗେ ଫେରୁଥିଲେ । ଭୋର 5ଟା ବେଳେ ପକରିୟା ଜଙ୍ଗଲରେ ଚଣ୍ଡୀ ଦେବୀଙ୍କ ମନ୍ଦିର ନିକଟରେ ଏକ ଟ୍ରକ ସହ ମୁହାଁମୁହିଁ ଧକ୍କା ହୋଇଥିଲା । ଦୁର୍ଘଟଣାରେ 5ଜଣଙ୍କର ମୃତ୍ୟୁ ହୋଇଥିଲା ।
